В процессе голосования
“Кўзгусимон авторақамлар” ҳам аукцион савдоларда сотилсин”
Сўнгги йилларда барча соҳалар сингари йўл ҳаракат хавфсизлиги соҳасида ҳам кенг кўламли ислоҳотлар амалга оширилди. Хусусан, авторақамлар онлайн аукциони орқали “чиройли рақамлар” савдосининг йўлга қўйилиши бу соҳада коррупция ва таниш-билишчилик каби салбий ҳолатларни сезиларли даражада пасайтирди. Ҳозирда аукцион савдолари орқали давлат бюджетига тушган маблағлар халқимиз фаровонлиги учун йўналтирилмоқда. Бироқ баъзи “кўзгусимон рақамлар” (масалан, 717, 727, 747, 515, 171, 212, 383, 818 ва бошқалар) нима учундир аукцион савдоларига жойлаштирилмайди. Мазкур номерлар ҳам ўзига хос қийматга эга бўлиб, кўзга ёқадиган, чиройли номерлар сирасига киради. Бундай рақамларга талаб жуда юқори бўлиб, уларнинг ...
Автор: ERGASHEV BAXTIYOR NURIDDIN O‘G‘LI 519
  • 15 Комментарии
  • 73 Голосов
Ўзбекистон Республикасининг Кадастр кодексини қабул қилиш ҳақида
Мамлакатимизда кадастрга доир муносабатларни тартибга солувчи кўплаб қонун ҳужжатлари мавжуд. Мазкур ҳужжатларнинг кўпчилиги асосан ҳаволаки нормалардан иборат бўлиб, мазкур соҳа асосан қонуности ҳужжатлари билан тартибга солинган.
Автор: IBRAGIMOV AZAMAT DAVLETBAYEVICH 367
  • 6 Комментарии
  • 83 Голосов
Ўриндиқсиз автобусларни жорий қилиш ҳақида
Бугунги кунда жамоат транспортларида аҳоли учун кўплаб қулайликлар яратилмоқда. Бу албатта қувонарли ҳол, аммо тиғиз вақтларда йўловчиларнинг иш, ўқиш, бозор ва бошқа манзилларга етиб олишида автобуслар сиғими талабга жавоб бермайди. Бу эса ўз навбатида бир қанча ноқулайликларни юзага келтиради. Автобус йўналишлари ва уларда қатновчи автобуслар сонини ошириш каби чоралар билан бирга қўшимча тарзда эрталабки ва кечки тиғиз вақтларда ўриндиқсиз автобуслардан фойдаланиш мақсадга мувофиқ. Сабаби ўриндиқсиз автобуслар ўриндиқлиларига нисбатан кўпроқ йўловчиларни ташиш имкониятига эга.
Автор: RAXIMJONOV QOBILJON TO‘LQINJON O‘G‘LI 409
  • 19 Комментарии
  • 106 Голосов
Валютага оид муносабатларни такомиллаштириш ҳақида
Республикамизда банк-кредит соҳасини ривожлантириш бўйича жадал ислоҳотлар амалга оширилиб, аҳолига қатор қулайликлар яратилмоқда. Хусусан, кўплаб жойларга банкоматлар қўйилиб, нақд пулни ечиб олиш имкони яратилди, валюта бозорини либераллаштириш ва унинг ноқонуний олди-сотдисини бартараф этишга қаратилган чора-тадбирлар кўрилмоқда. Ҳозирги кунда фуқаролардан банк кассаларида валюта қабул қилиниб, эркин равишда айрибошлаш амалга оширилмоқда. Бироқ бу ҳаракатлар бир томонлама бўлиб, банклар амалда фақат валюта маблағларини олиш билангина чекланиб, фуқароларга эркин равишда сотмаяпти. Шунингдек, банкларда айрибошлаш тезкор равишда йўлга қўйилмаганлиги, айрим банклар (кассалар) ҳали хам айирбошлаш билан шуғулланмаётганлиги сабабли фуқаролар “қора бозор”га мурожаат қилишга мажбур бўлишмоқда. ...
Автор: DAVRANOV ULUGBEK DJANIBEKOVICH 494
  • 7 Комментарии
  • 176 Голосов
Нотариал ҳаракатларни масофадан туриб амалга ошириш ҳақида
Ҳозирда нотариуслар фаолиятини тартибга солиш, соҳада шаффофликни таъминлаш, замонавий ахборот-коммуникация технологияларини кенг жорий этиш борасида кенг кўламли ислоҳотлар амалга оширилмоқда. Мана шу ислоҳотларнинг мантиқий давоми сифатида нотариал ҳаракатларни масофадан туриб амалга ошириш тартибини жорий этиш мақсадга мувофиқ бўлади. Бугунги кунда кўплаб юртдошларимиз хизмат, ўқиш, иш ёки туризм мақсадларида хорижий мамлакатларга сафарларни амалга оширишмоқда. Мана шундай вақтларда нотариал ҳаракатларни амалга ошириш зарурати юзага келиб қолади. Айниқса, тадбиркорлик субъектлари фаолиятида бу кўп кузатилади.
Автор: SATTAROV NOZIMJON ILXOMJON O‘G‘LI 272
  • 7 Комментарии
  • 192 Голосов
Тез тиббий ёрдам машиналари ҳаракати учун қўшимча йўл ажратиш ҳақида
Мамлакатимиз аҳолиси сони, мутаносиб равишда автомобиллар сони ҳам ортиб бормоқда. Бу эса шаҳарлардаги айрим йўлларда тез-тез тирбандликни вужудга келтириб чиқаради. Айниқса қатнов кўп бўладиган чорраха, кўчалар кесишмаси, ўтказиш пунктларида тирбандлик бир неча юз метрдан ошиб, шошилинч ҳаракатланаётган тез тиббий ёрдам машиналарига тўсқинлик қилади. Шу туфайли тез тиббий ёрдам машиналари фойдаланиши учун алоҳида йўл ажратишни таклиф қиламан. Сабаби тез тиббий ёрдам машинаси олиб кетаётган бемор учун ҳар бир дақиқа муҳим ҳисобланади. Жаҳон тажрибасига мурожаат қилсак Япония ва Канада каби давлатларда тез тиббий ёрдам машиналари учун алоҳида йўл тизими ташкил этилган. ...
Автор: SAYDALIYEV JONIBEK SAYDG‘ANI O‘G‘LI 265
  • 3 Комментарии
  • 171 Голосов
Қишлоқ ҳўжалигини фидоий кадрлар билан таъминлаш ҳақида
Ёшларнинг қишлоқ хўжалиги соҳасига қизиқишини ошириш, уларни иш билан таъминлаш ҳамда қишлоқ хўжалиги самарадорлигини ошириш мақсадида қишлоқлардаги мактабларда махсус агросинфларни ташкил қилиш керак. Мазкур синфларда қишлоқ хўжалиги соҳасига оид билимларни бериб бориш, кейинчалик ушбу синфларни тамомлаган ёшларга ўз қишлоқларида ишлаб бериш шарти билан қишлоқ хўжалиги йўналишидаги олий таълим муассасаларига ўқишга киришига имтиёзлар бериш лозим. Шу орқали соҳа ривожига хизмат қиладиган фидоий, юқори малакали ва ўз ҳудудини яхши биладиган истиқболли кадрларни етиштириш керак.
Автор: MIRZAYEV SARVAR AKBAROVICH 201
  • 2 Комментарии
  • 74 Голосов
“Мактабгача таълим” ва “Мактаб” мобиль иловаларини яратиш ҳақида
Ҳозирги кунда таълим соҳасида кўплаб ислоҳотлар амалга оширилмоқда. Бу ўзгаришлар фарзандларимиз тарбияси ва билим олишларига ижобий таъсир кўрсатади. Ҳар бир ота-она ўз фарзандининг тарбияси ва билим олиши жараёнини кузатиб боришни, назорат қилишни хоҳлайди. Шу сабабли фарзандларимиз таълим оладиган мактабгача таълим муассасаси ёки мактаб, улардаги шароит, машғулотларнинг бориши, озиқ-овқат таъминотини видео камералар ўрнатиш орқали доимий кузатиб бориш имкониятини берадиган мобиль иловани яратиш мақсадга мувофиқ бўлади.
Автор: PARPIYEV BAXTIYORJON ABDUXALILOVICH 230
  • 5 Комментарии
  • 117 Голосов
Мактаб ўқувчилари учун жамоат транспортини бепул қилиш ҳақида
Ёшлар - келажагимиздир! Бугун мазкур тамойил асосида уларга кўплаб имкониятлар яратилмоқда. Мана шундай шароитда мавжуд имкониятлардан келиб чиққан ҳолда мактаб ўқувчилари учун жамоат транспортини бепул қилишни мақсадга мувофиқ деб ўйлайман. Бунинг учун ўқувчилик гувоҳномаларини ҳам жорий этиш керак бўлади.
Автор: PALVANOV UMIDBEK SULTANNOZIROVICH 927
  • 6 Комментарии
  • 312 Голосов
Республика болалар аутизми реабилитацияси марказини ташкил этиш ҳақида
Ҳозирги кунда туғилаётган чақалоқлар орасида аутизм ташхиси қўйилганлар ҳам бор. Хорижий давлатларда болалар аутизми билан шуғулланадиган кўплаб марказлар фаолият юритади. Бизда Республика болалар ижтимоий мослашуви марказидан бошқа жойда ушбу касалликка чалинган болаларни реабилитация қилишга шароит мавжуд эмас.
Автор: XODJIYEV IKRAMJAN SHAVKATOVICH 4597
  • 7 Комментарии
  • 855 Голосов
Юртимизда “Formula-1” ва “Formula-E” автомобиль мусобақаларини ўтказиш ҳақида
Бугунги кунда юртимизда спортнинг барча йўналишларини ривожлантириш борасида салмоқли ишлар амалга оширилмоқда. Шунингдек, “Formula-1” ва “Formula-E” автомобиль мусобақаларига қизиқувчиларнинг хам сони ортмоқда. Ушбу авто мусобақалар ташкил этиладиган трассалар барпо этиладиган бўлса, хорижий сайёҳларнинг янада ортишига ва Ватанимизнинг номи янада танилишига хизмат қилади.
Автор: PARPIYEV BAXTIYORJON ABDUXALILOVICH 270
  • 6 Комментарии
  • 118 Голосов
“Бизнес телеканали”ни ташкил этиш ҳақида
Бугунги кунда юртимиз тадбиркорларининг фаолиятини тўлиқ ёритадиган, бизнес сирларини ўргатишга ихтисослаштирилган, тадбиркорлик соҳасидаги ислоҳотларнинг мазмун-моҳияти билан яқиндан таништирадиган махсус телеканал мавжуд эмас. Агар тадбиркорлик соҳасига бағишланган махсус телеканал ташкил этилса ва унинг дастурлари фақат шу йўналишда бўлса, тадбиркорлар бир-бирларини янада яқинроқ танишарди, маҳсулотларни реклама қилиш учун қулайлик бўларди. Махсус телеканал орқали ўз маҳсулотларини ва ишлаб чиқариш жараёнларини эфирга узатишлари мумкин бўлади. Бу телеканалнинг ташкил этилиши хорижий инвестицияларни ҳам кенгроқ жалб этишга, хорижлик тадбиркорларнинг эътиборини янада тортишга хизмат қилиши мумкин.
Автор: PARPIYEV BAXTIYORJON ABDUXALILOVICH 380
  • 3 Комментарии
  • 120 Голосов
Мактабларга кириш ва чиқиш жойларида йўлнинг қатнов қисмидан тротуарни бетон тўсиқлар билан ажратиш ҳақида
Кўплаб мактаблар автомобиль йўлларининг четида жойлашган. Уларнинг кириш ва чиқиш қисми бевосита йўлнинг ҳаракат қисмига туташади. Бу мактаб ўқувчилари учун хавфни юзага келтириши мумкин. Қолаверса, кўплаб автомобиль ҳайдовчилари транспорт воситаларини мактабларга яқин жойларга тўхтатишади. Бу ҳолат мактаблар атрофида тирбандликни келтириб чиқариши билан бирга ўқувчиларга дарс-машғулотлари давомида ноқулайликларни юзага келтиради.
Автор: ABDULLAYEV AKMAL ALIMOVICH 218
  • 0 Комментарии
  • 138 Голосов
Тошкент шаҳрида дренаж тизимини такомиллаштириш ҳақида
Тошкент шаҳар дренаж тизими бугунги кун талабларига жавоб бермайди. Хусусан, ариқлар фақат катта йўлларнинг ёқаларида сақланиб қолган бўлиб, маҳаллалар ичидаги ариқлар бузиб ташланган. Натижада дарахтларни суғориш ёки кундалик тозалаш ишлари учун ичимлик сувидан фойдаланишга тўғри келади. Шунингдек, ёмғир ёғса ички йўллардан умуман юриб бўлмайди.
Автор: ISRAILOV AZIMJON AKBAROVICH 126
  • 4 Комментарии
  • 58 Голосов
Фуқароларни ўзини ўзи бошқариш органлари раисларини сайлашни такомиллаштириш ҳақида
Маҳаллани бошқаришда раисларнинг роли катта. Маҳалла раисларини сайлаш учун биринчи навбатда номзоднинг руҳий соғломлигини текшириш, оилавий аҳволини тўлиқ ўрганиб чиқиш ҳамда ёш цензини 65 ёш этиб белгилаш керак. Чунки аҳолини бошқариш учун шахс жисмонан ҳамда маънан соғлом бўлиши, ўз оиласининг тинчлиги, осойишталигини таъминлай олган бўлиши керак. Юқоридаги талабларга жавоб берадиган номзод маҳалладагиларни ҳам ўз ортидан етаклай олади.
Автор: QULDOSHEV JAVLONBEK QODIROVICH 162
  • 5 Комментарии
  • 62 Голосов
“Оилавий маросимларни ўтказишни тартибга солиш тўғрисида”ги қонунни қабул қилиш ҳақида
Республикамизнинг ҳар бир ҳудуди узоқ вақт давомида шаклланган ўзига хос урф-одатларига эга. Барча оилавий маросим ва тадбирлар мана шу одатлар асосида ўтказилади. Бироқ, сўнгги вақтларда мазкур маросим ва тадбирлар кераксиз дабдаба, ортиқча сарф-ҳаражатлар билан ўзгариб кетмоқда. Маҳалла вакиллари, хотин-қизлар қўмитаси ва кенг жамоатчилик томонидан аҳоли ўртасида бу борада кўплаб тушунтириш ишлари амалга оширилаётган бўлсада, мазкур масалада республика миқёсида амал қиладиган қонун даражасидаги ҳужжатнинг йўқлиги тўй ва маросимларни маромида ўтказишни тартибга солишга имкон бермаяпти.
Автор: BOBOJONOV A’ZAM AZAMAT O‘G‘LI 582
  • 18 Комментарии
  • 144 Голосов
Ташкилотларда фаолият кўрсатувчи касаба уюшмаси раислари ваколатларини кенгайтириш ҳақида
Бугун юртимизда фаолият кўрсатаётган ташкилотлардаги касаба уюшмалари раисларининг айримлари аслида қандай вазифани бажаришлари кераклиги тўғрисида тушунчага ҳам эга эмас. Ўз вазифасини англамаган ва соҳасига доир меъёрий ҳужжатлардан бехабар шахслар касбий фаолият жараёнида ўзгаларнинг меҳнат жараёнларига доир ҳуқуқларини етарли даражада ҳимоя қила олмаслиги табиий ҳолатдир.
Автор: SHAMSIDDINOV SHAHBOZ SHUHRAT O‘G‘LI 463
  • 23 Комментарии
  • 128 Голосов
Умумий овқатланиш соҳасида санитария-гигиена талабларига қатъий риоя қилиш ҳақида
Турли хил маросимлар, базмлар учун таомлар тайёрлашда санитария-гигиена қоидаларига қатъий риоя қилмаслик ва бунинг оқибатида овқатдан оммавий заҳарланиш ҳолатлари кўп учрамоқда. Санитария-гигиена қоидалари бўйича талабларни қатъийлаштириш, бу қоидаларни қўпол равишда бузаётган тадбиркорлар, ошпазларнинг жавобгарлигини ва масъулиятини ошириш чораларини кўриш зарур.
Автор: XUSAINOV KADAM BAXTIYAROVICH 456
  • 2 Комментарии
  • 428 Голосов
Бекатларга кузатув камераларини ўрнатиш ҳақида
Тошкент шаҳри йўлларидаги кузатув камераларининг деярли ҳаммаси фақат ва фақат йўлга қараган, улар автотранспортларнинг ҳаракатини кузатиш учун мўлжалланган. Лекин, қоида энг кўп бузиладиган жойлардан бири - бекатлар назоратдан четда қолиб кетмоқда. Оддий мисол, айрим автобус, йўналишли таксиларнинг бекатда ҳаддан ташқари қолиб кетиши, бекатларнинг кириш қисмини тўсиб қўйиши, иккитадан қатор ҳосил қилиши, хавфли манёврлари, айрим ҳайдовчиларнинг бекатларнинг ўртасига машиналарини ташлаб кетишлари, бекатнинг исталган қисмида тўхташлари кузатилади. Камералар аввало хавфсизликни таъминласа, бошқа томондан транспорт воситаларининг тартибли ҳаракатининг гарови ҳисобланади. Бекатларга камера ўрнатилган мамлакатлар қаторига - Россия, Жанубий Корея, АҚШ, Япония, Буюк ...
Автор: RAXIMJONOV QOBILJON TO‘LQINJON O‘G‘LI 432
  • 6 Комментарии
  • 355 Голосов
Навоий шаҳрида Тошкент ахборот технологиялари университетининг Навоий филиалини очиш тўғрисида
Навоий вилояти табиий ресурсларга бой ҳудуд бўлиб, вилоятда йирик саноат корхоналари фаолият кўрсатмоқда. Шунингдек, 2008 йилда вилоятда Навоий эркин индустриал-иқтисодий зонаси ташкил этилиб, Жанубий Корея, Ҳиндистон, Хитой ва Сингапур каби хорижий ҳамкорлар билан кенг кўламли фаолият олиб борилмоқда. Ушбу ҳудудда жойлашган саноат корхоналари ва бошқа давлат ҳамда хусусий ташкилотлар фаолиятида замонавий ахборот технологиялари кенг қўлланилмоқда. Олиб келинаётган технологияларнинг кўпчилиги интеллектуал тизимларга асосланган, яъни компьютерлар бошқарувида ишлайди ва бу, ўз навбатида, ҳудудда ахборот технологиялари соҳасидаги мутахассисларни талаб қилади. Шунинг учун, Навоий шаҳрида Муҳаммад ал-Хоразмий номидаги Тошкент ахборот технологиялари университетининг филиали ...
Автор: IBRAGIMOV ALIMJAN ARTIKBAYEVICH 4687
  • 14 Комментарии
  • 3458 Голосов
×
Карта портала
Для прослушивания выделите текст и нажмите на эту кнопку