Created with Highcharts 5.0.4

Барча ёқлаб берилган овозлар сони

  • Кўриб чиқиш жараёнида
Жамоавий мурожаатни улашиш
Ҳокимларни халқ томонидан сайлаш амалиётини жорий этиш ҳақида
  • Йўналиш:Қонунчилик
  • Сана:2020-02-19 05:08:47
  • Муаллиф:XOLIQOV AFZAL ISLOMOVICH
Жамоавий мурожаат матни
Мамлакатимизда амалга оширилаётган ислоҳотларнинг самарадорлигини таъминлаш давлат хизматчиларининг фидоийлиги, шижоати, билими ва халқ билан ишлай олиш кўникмасига боғлиқ. Бу борада, айниқса, туман ҳокимларининг масъулияти ва мажбуриятлари жуда юқори. Шу сабабли, шаҳар ва туман ҳокимларини халқ томонидан сайлаш амалиётини тезроқ жорий этиш муҳим аҳамият касб этади. Ижтимоий тармоқлардан маълумки, ҳозирда кўплаб ҳокимларга нисбатан аҳолининг норозилик кайфияти мавжуд. Шу туфайли, ҳудудларда аҳолини бошқарадиган ҳокимларни халқнинг ўзи танлаши ва сайлаш амалиётини жорий этиш зарур. Шундагина ҳокимларимиз халқ дардини эшитади, у билан бирга ишлайди. Муҳтарам Президентимиз томонидан берилаётган вазифа ва топшириқларини бажаришда ҳам чин дилдан ҳаракат қилади. Ҳар бир туман ёки шаҳардан белгиланган миқдорда номзод танлаб, уларнинг энг маъқулини сайлов ўтказиш йўли билан сайлаш керак. Сайланган ҳоким ишини баҳолашни эса яна ўша халқ зиммасида қолдириш мақсадга мувофиқ. Бу борада алоҳида қонун ҳужжатини ишлаб чиқиш ва амалиётга татбиқ этиш зарур.
Жамоавий мурожаат / ғоя ни амалга ошириш
Юқоридагиларни инобатга олган ҳолда, ҳокимларни халқ томонидан сайлаш амалиётини жорий этишни таклиф қиламиз.
36720
Изоҳлар (140)
BOBAXONOV MANSURJON MAXMUDJONOVICH
Ҳокимларни халқ томонидан сайлаш амалиётини жорий этиш мақсадга мувофиқ деб хисоблайман агар хокимларни халқ томонидан сайланса ўйлайманки халқ сайлагандан кейин шу халқ учун хизмат қиладиган бошқарув тизими яратилишига эришилади шунда сайлаган халқ ўзининг сайлаган хокимларини назорат қилишлари ва унинг томонидан адолатли бошқариш ва туман ва шаҳарларни ижтимоий иқтисодий ривожланишига бор куч ғайрати билан хизмат қилади. Номзод кўрсатилишида бир қатор мажбуриятлар ҳам қўйилиши керак мисол учун раҳбар лавозимида 5 йил ишлаган бошқарув бўйича билим ва кўникмаларга эга кадрларни номзодини кўрсатиш лозим деб ўйлайман.
7 Апрель 2021, 21:56
NABIYEV FARHOD ERKIN-O‘G‘LI
мен хам шу фикирга кушиламан
5 Апрель 2021, 23:37
ALIYEV UCHQUN ASQAR O‘G‘LI
XALILOV DILMUROD NAJMIDINOVICH. Men sizning fikringizga qo'shilaman. Hokimiyatda ochiqlikni kuchaytirish, yig'ilishlarni onlayn translyatsiya qilish kerak.
17 Декабрь 2020, 15:08
TUXTAYEV NURALI TURDALLIYEVICH
Давлат бошқарувидаги президентни халқ сайлагандан кейин хокимларнинг хам халқни ўзи сайлаши керак чунки биз ривожланган ва барча давлатлар олдида шаффов сиёсат олиб бораётган ички сиёсатининг хеч кимдан яширмаётган мамалакатмиз. Хокимлар айрим рахбарларни шахсий даромад манбайи эмас ўзи бошқараётган туманнинг барча жабхадаги иймонли ва инсофли виждонли , ватанпарвар инсони хамда юзи бўлиши керак.
17 Ноябрь 2020, 20:06
TASHEV ABDULLO MURODILLAYEVICH
Ҳокимларни ҳақиқатдан ҳам Халқ сайласа яхши бўларди.
30 Октябрь 2020, 15:52

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси