Created with Highcharts 5.0.4

Барча ёқлаб берилган овозлар сони

Жамоавий мурожаатга овоз бериш учун: 59 кун қолди
Жамоавий мурожаатни улашиш
Тошкент шаҳар Шайхонтоҳур туманидаги “Ўрда” чорраҳасига пиёдалар ўтиш жойини қайтариш ҳақида
  • Йўналиш:Хавфсизлик
  • Сана:2022-06-07 19:21:38
  • Муаллиф:XAMIDOV ARTUR RUSTAMOVICH
Жамоавий мурожаат матни
Шайхонтоҳур туманининг “Алишер Навоий” ва “Лабзак” кўчалари кесишмасида жойлашган чорраҳада реконструкция ишларини олиб бориш чоғида маҳаллий инфратузилма эътиборга олинмади ва натижада чорраҳа пиёдалар учун хавфли ва ноқулай бўлди. Бунинг асосий сабаби, таъмирлаш ишлари якунида чорраҳанинг бир томонидаги пиёдалар ўтиш жойининг демонтаж қилинишидир. Пиёдалар ўтиш жойининг демонтаж қилиниши оқибатида пиёда йўлни кесиб ўтиши учун талаб этиладиган масофа ва вақт икки баробарга ошди. Ушбу пиёдалар ўтиш жойини сақлаб қолиш муҳим. Чунки у пиёдалар учун жамоат транспорти бекатига, озиқ-овқат дўконлари ва дорихоналарга етиб бориш учун энг қисқа йўл бўлиб, “Ўрда” маҳалласидаги аҳоли орасида алоқани таъминлаб берар эди. Масаланинг яна бир жиддий жиҳати шундан иборатки, пиёдалар ўтиш жойи демонтаж қилинганлигига қарамасдан, пиёдалар “Ўрда” чорраҳасининг ушбу жойидан, ўз жонларини хатарга қўйиб, йўлни кесиб ўтишда давом этишмоқда. Таъкидлаш жоизки, Ўзбекистон Республикаси Президентининг 2022 йил 4 апрелдаги ПҚ-190-сон Қарорининг 1-бандига мувофиқ, йўл ҳаракати иштирокчиларининг “пиёда – жамоат транспорти – велотранспорт – автотранспорт” устуворлиги асосида хавфсиз ҳаракатланиши учун ишончли шарт-шароитларни яратиш муҳим аҳамият касб этади.
Жамоавий мурожаат / ғоя ни амалга ошириш
Юқоридагилардан келиб чиққан ҳолда, Тошкент шаҳар Шайхонтоҳур туманидаги “Алишер Навоий” ва “Лабзак” кўчалари кесишмасидаги чорраҳага илгари мавжуд бўлган барча пиёдалар ўтиш жойларини қайтаришни таклиф қиламиз.
190
Изоҳлар (0)

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси