Created with Highcharts 5.0.4

Барча ёқлаб берилган овозлар сони

Жамоавий мурожаатга овоз бериш учун: 44 кун қолди
Жамоавий мурожаатни улашиш
Умумий ўрта таълим ташкилотининг биринчи синфига болаларни 6-7 ёшдан қабул қилиш ҳақида
  • Йўналиш:Қонунчилик
  • Сана:2021-08-14 23:56:00
  • Муаллиф:XALIKOV UMID RAXMATULLAYEVICH
Жамоавий мурожаат матни
Ўзбекистон Республикасининг амалдаги “Таълим тўғрисида”ги Қонуни 9-моддасининг учинчи қисмига мувофиқ, умумий ўрта таълим ташкилотининг биринчи синфига болалар улар етти ёшга тўладиган йилда қабул қилинади. Ҳозирги кунда ахборот технологиялари, таълим олиш имкониятлари жадал суратлар билан ривожланиб келаётган бир вақтда болаларнинг ривожланиши, таълим олиши ва билим кўникмалари ҳам шунга мос равишда такомиллашиб бормоқда. Ваҳоланки, ривожланиш даражамизни доимо таққослашга ҳаракат қилинадиган бошқа ривожланган давлатларда ҳам болалар олти ва беш ёшдан мактабларга қабул қилинади. Бу боланинг ўша пайтдаги билим ва кўникмалари ҳамда ота-онасининг истагига боғлиқдир. “Таълим тўғрисида”ги Қонунда белгиланган тақиқловчи норма туфайли январь, февраль ва март ойларида туғилган болалар етти ярим, аксарият ҳолларда деярли саккиз ёшида мактабга чиқишига тўғри келмоқда. Бунинг натижасида боланинг ривожланишида йиллар йўқотилмоқда. Маълумот ўрнида айтиш керакки, Ўзбекистон Республикасининг 1997 йилдаги “Таълим тўғрисида”ги Қонуни 12-моддасининг иккинчи қисмида “мактабнинг биринчи синфига болалар олти-етти ёшидан қабул қилиниши”га доир норма белгиланган эди. Янги Қонунни қабул қилишганда эса, негадир мазкур ёш “етти ёшга тўлганда” деб қатъий белгилаб қўйилди. Ушбу норманинг белгиланиши юқоридаги каби муаммоларнинг юзага келишига сабаб бўлмоқда.
Жамоавий мурожаат / ғоя ни амалга ошириш
Юқоридагиларни инобатга олган ҳолда, Ўзбекистон Республикаси Олий Мажлиси Қонунчилик палатаси депутатлари томонидан амалдаги “Таълим тўғрисида”ги Қонуннинг 9-моддаси учинчи қисмидаги “етти” сўзини “олти-етти” сўзларига ўзгартиришни назарда тутувчи қонун лойиҳаси ишлаб чиқилишини таклиф этамиз.
1241
Изоҳлар (7)
QAYUMOV BAXTIYOR ABDULXAMIDOVICH
6 ёшдан ихтиёрий, 7 ёшдан мажбурий мактабга берилса барча учун манзур бўларди. Агар ота-она 6 ёшдан бериб, унинг таьлимидан мактаб устозлари ёки ота-оналари қаноатланмаса худди биринчи синфга чиққандай 7 ёшдан қайтадан бошлаш имконини ҳам берилса мақсадли бўларди.
3 Декабрь 2021, 19:45
YUNUSOV ALISHER BOBOMURADOVICH
Meni qizim ҳозирдан мактабга чиқишга иштиёқ ва салоҳияти етарли. Ҳали 6 ёшга тўлмади. 9 мартда 6 ёш бўлади. Агар кейинги йил мактабга бермасам, етти ярим ёшда чиқиши керак бўлади. Қачон бизникилар одамларни эркин яшашга қўйишар экан а? Таъқиқлар билан нимага эришамиз???
22 Ноябрь 2021, 18:51
XODJAYEV AKBAR ISMAYILOVICH
"Таълим тўғрисида"ги ( ЎРҚ-637-сон ) Қонуннинг: 9-моддаси 6-хатбошини қуйидаги таҳрирда ўзгартириш: Умумий ўрта таълим ташкилотининг биринчи синфига болалар улар олти ёшга тўладиган йилда қабул қилинади. Ота-оналарнинг илтимосига кўра, таълим ташкилотининг раҳбари болани олдинги ёки кейинги ёшда қабул қилишга рухсат бериши мумкин.
16 Ноябрь 2021, 11:32
Аниқланмаган
Менинг уч нафар фарзандим бор. Уччаласи ҳам 6 ёшдан мактабга борган эди. Иккита каттаси олий таълим муассасасини битирди. Учинчи фарзандим лицейда аъло баҳоларга ўқияпти. Болани қобилиятига қараб 6 ёшдан мактабга берса бўлади деган хулосага келганман.
15 Ноябрь 2021, 15:53
URINBOYEV FARRUX MURODOVICH
Bolani salohiyati yetayotgan bo'lsa demak 6 yoshdan boshlab ilm olishi zarur
15 Ноябрь 2021, 09:29

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси