Created with Highcharts 5.0.4

Барча ёқлаб берилган овозлар сони

Жамоавий мурожаатга овоз бериш учун: 73 кун қолди
Жамоавий мурожаатни улашиш
Транспорт воситасини бошқариш ҳуқуқини берувчи ҳужжатларнинг мавжудлигини рақамли технологиялар (планшет) воситасида аниқлаш ва ушбу ҳужжатлар ҳайдовчининг ёнида бўлмаганлиги учун жавобгарликни қўллаш амалиётини бекор қилиш ҳақида
  • Йўналиш:Қонунчилик
  • Сана:2021-03-01 15:40:55
  • Муаллиф:URINOV SHERZOD SHARIPOVICH
Жамоавий мурожаат матни
Бугунги кунда турмуш ташвишлари билан бўлиб аксарият ҳолатларда ҳайдовчилар муайян ҳужжатларни уйда ёки ишда қолдирган ҳолда транспорт воситасини ҳайдашига тўғри келиб қолади. Бироқ ушбу ҳолатда ДЙҲХХ ходимлари томонидан ҳайдовчига жарима солинади. Шу сабабли, йўл ҳаракати хавфсизлиги тизимига замонавий рақамли технологияларни жорий этиш керак. Шу мақсадда, Ўзбекистон Республикаси Маъмурий жавобгарлик тўғрисидаги кодексининг йўл ҳаракати қоидаларида назарда тутилган ҳужжатлари бўлмаган шахсларнинг транспорт воситаларини бошқарганлиги учун жавобгарликни назарда тутувчи 135-моддаси 1-қисмига қуйидаги ўзгартиш ва қўшимчаларни киритиш мақсадга мувофиқ: “Транспорт воситаларини бошқариш ҳуқуқини берувчи ҳужжатлари ёнида бўлмаган ҳайдовчиларнинг транспорт воситаларини бошқариши, агар мазкур ҳужжатларнинг махсус техник восита (планшет) ёрдамида ҳақиқатда мавжудлигини аниқлашнинг имкони бўлмаган тақдирда”. Мазкур ўзгартишнинг моҳияти шундан иборатки, ҳозирда барча ДЙҲХХ ходимлари махсус планшетлар билан жиҳозланган ва улар ягона маълумотлар базасига уланган. Маълумотлар базасида транспорт воситаларини қайд этиш гувоҳномалари ва ҳайдовчилик гувоҳномалари ҳақидаги маълумотлар мавжуд. Маълумотлар базасида ҳайдовчилар тўғрисидаги барча маълумотлар жойлаштирилган ва ушбу базага бармоқ изи орқали идентификация қилиш тизими жорий этилган бўлса, у ҳолда тегишли ҳужжатлар ҳайдовчининг ёнида бўлмаганлиги учун жарима қўллашнинг нима зарурати бор?! Шу сабабли, хорижий давлатларнинг йўл ҳаракати хавфсизлиги соҳасидаги бой тажрибасини ўрганиш, унинг ижобий жиҳатларини жорий этиш мамлакатимизда ҳам йўл ҳаракати хавфсизлигини рақамлаштириш борасидаги ишларни самарали амалга оширишда муҳим аҳамият касб этади.
Жамоавий мурожаат / ғоя ни амалга ошириш
Юқоридагиларни инобатга олган ҳолда, транспорт воситасини бошқариш ҳуқуқини берувчи ҳужжатларнинг мавжудлигини рақамли технологиялар (планшет) воситасида аниқлаш ва ушбу ҳужжатлар ҳайдовчининг ёнида бўлмаганлиги учун жавобгарликни қўллаш амалиётини бекор қилишни таклиф этамиз.
81128
Изоҳлар (184)
DONAYEV OTABEK XOLMUMIN O‘G‘LI
Буларга фўшимча қилиб транспорт воситасига тегишли бўлган барча ҳужжатларни масалан (суғурта поли, транспорт воасни бошқариш учун ишончномасини) шунга ўхшаш қўшимча ҳужжатларни ҳам киритса янда қулайлик бўлар эди деб ўйлаймман.
7 Апрель 2021, 12:03
BOBOBEKOV NAVRUZ ISMATULLAYEVICH
Bu taklif yaxshikuya, lekin inspektorlar haydovchilardan shaxsingizni tasdiqlash uchun tekshirib kiraylik deb planshet orqali jarima yozib yubormoqda. Buni haydovchi bilmasdan qolmoqda va bu noqonuniy dur. Haydovchi sudga murojat qilishi mumkin. Sudda yutib chiqdim xam deylik, lekin aksariyat hollarda inspektorga tanbeh berish bilan cheklanmoqda. Haydovchi esa jarima tilashdan qutiladi, lekin jarima DAN kattaroq advakatga xarajat qiladi. Buni xam undirsa boʻladi bunga yana ancha vaqt kerak.
5 Апрель 2021, 20:46
PATIDINOV SAIDAKBAR XASANBOY O‘G‘LI
Техник сабабларга кӯра планшет ишламаса унда нима бӯлади? ДЙҲХХ жавобгар бӯладими
5 Апрель 2021, 16:32
KARACHENSEV VLADIMIR LEONIDOVICH
Хорошая инициатива.
4 Апрель 2021, 08:10
KARIYEV XUSNIDDIN SADIRDINOVICH
Агар планшетда аниқлашнинг имкони бўлмаса деган мазмундаги жумла менимча барча ўйлаганларимизни пучга чиқаради. Чунки планшетда аниқлашнинг имкони бўлмади дегани базада маълумот йўқ дегани эмас, балки планшет ишламаяпти, алоқа йўқ, база ишламаяпти деган важлар билан аниқлашнинг имкони бўлмади дегани бўлиши хам мумкин. Менимча, шу жумланинг ўрнига "хайдовчилик ҳуқуқини рўйхатга олиш ягона маълумотлар базасида ушбу шахсга хайдовчилик ҳуқуқи берилмаганлиги ҳақида маълумот мавжуд бўлганда" деган жумлага ўзгартириш керак. Ушбу маълумотни қайси йўл билан олишни ўзларига хавола қилинса менимча тўғри бўлади. Бундан ташқари хайдовчилик ҳуқуқини рўйхатга олиш бўйича Ягона электрон маълумотлар базасини ташкил қилиш ва юритиш (агар бўлмаса) мажбуриятини ИИВ га юклатиш ва уни жорий қилиш муддатларини аниқ белгилаб қўйиш керак.
3 Апрель 2021, 12:28

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси