Created with Highcharts 5.0.4

Барча ёқлаб берилган овозлар сони

  • Кўриб чиқиш жараёнида
Жамоавий мурожаатни улашиш
Юртимизнинг шарқий ва ғарбий ҳудудларида транспорт қатновини қулайлаштириш ҳақида
Жамоавий мурожаат матни
Бугунги кунда мамлакатимизнинг водий вилоятлари ва пойтахт қисмини бошқа (марказий, жанубий ва ғарбий) ҳудудлар билан боғлашда М-39 трассаси асосий йўл сифатида фойдаланилади. Ушбу трассанинг Самарқанд вилоятидан ўтган 200 кмлик қисмининг аксарияти аҳоли гавжум масканлардан ўтганлиги ва автомобиль тезлигининг чекланиши ушбу ҳудуддан қатнашда бир қанча ноқулайликларни юзага келтиради. Ушбу ҳудудда транспорт юкламасини камайтириш учун Навоий вилояти Нурота туманини Жиззах вилояти Фориш тумани билан боғлайдиган йўл (кейинги ўринларда “шимолий йўл”) аслида транспортда қатнаш учун жуда қулай. Энг асосийси, Нурота тумани ҳудудидан ўтган 140 кмлик асфальт йўл ҳатто пойтахтнинг айрим кўчаларидан яхши ҳолатда. Фақат ушбу йўлга Жиззах шаҳри орқали ноқулай ва Ш.Рашидов тумани орқали таъмирталаб йўл орқали чиқилиши кўпчиликнинг бу йўлдан юрмаслигига асосий сабабдир. М-39 трассасини Жиззах вилояти Пахтакор тумани орқали Фориш туманига олиб бориладиган йўлни очиш жуда катта лойиҳа бўлиб, унинг ижобий томонлари қўйидагича: биринчидан, Навоий, Бухоро, Хоразм вилоятлари ва Қорақалпоғистон Республикасидан пойтахт, водий, Жиззах ва Сирдарё вилоятларига қатнаш масофасини камида 20-30 кмга қисқартиради ва қатнашни янада қулайлаштириш; иккинчидан, аҳоли гавжум масканлардан ўтган ҳудудларда турли йўл транспорт ҳодисаларининг камайиши; учинчидан, М-39 трассасининг Самарқанд вилояти ҳудудидан ўтган қисми юкламасини камайтиради; тўртинчидан, Айдар-Арнасой кўллар тизимида режалаштирилаётган жуда катта эко-туристик лойиҳалар ривожига улкан фойда беради; бешинчидан, Фориш, Нурота ва Томди каби ривожланмай қолаётган ҳудудларнинг ривожланишига (турли хизмат кўрсатиш соҳаларининг ривожланиши) сабаб бўлади, инвесторлар қизиқиши ва оқимини оширади; олтинчидан, пойтахт ва водий вилоятларидан Учқудуқ, Зарафшон шаҳарлари ва Томди туманига масофани 100 кмгача қисқартиришга хизмат қилади; еттинчидан, транспорт харажатларини камайтиради; (Фориш, Нурота туманларида режалаштирилаётган лойиҳалар учун қисқа масофа жуда муҳим.
Жамоавий мурожаат / ғоя ни амалга ошириш
Юқоридаги ижобий жиҳатларни инобатга олиб, Жиззах вилояти Пахтакор тумани орқали М-39 трассаси ва Фориш туманини боғловчи автомобиль йўлини тиклашни таклиф қиламан ва ушбу лойиҳаларга алоҳида эътибор беришни сўрайман.
16317
Изоҳлар (51)
BEGIMKULOV BAXTIYOR JABBAROVICH
Yaxshi buladi
20 Февраль 2024, 16:22
NURFAYIZOV BEKZOD ALIDDIN O‘G‘LI
Yaxshi bo‘lardi man shu yo‘l ochilganida forishda ham ancha rivojlanish bo‘larmidi
17 Январь 2024, 13:24
NISHANBEKOVA UMIDA ABDUJABBAROVNA
Йўл инфратузилмаларини яхшилаш ривожланаётган ички туризмга катта имконият яратади. Айдаркул, Нукус, Навойи вилоятларга бориш учун ёлланма транспорт топиш муоммолироқ, йўл ёмонлиги ҳисобга олиниб йўлкира нарҳи ошади. Иш юзасидан водийга ва Самарқандга тез-тез боришимга тўғри келади. Бир нарсага эътибор бердим, А-373 трассасида тозалик ва хизмат кўрсатиш жуда аъло даражада. Хар бир белгиланган худудларда маҳсус кийимдаги бириктирилган ишчиларни қўлида иш қуроллари билан кўриш мумкин. Ўз худудига жавоб беришса керак. Мен йўл четида умуман чиқинди кўрмадим. Топ-тоза хамма жой. Лекин Самарқандга кетишда йўл М-39 трассасида аҳвол умуман ёмон. Йўл икки четига ташлаб кетилган чиқиндилар одам таъбини хира қилади. Ишчиларни кўрмадим, балки пайқамадим шекилли. Йўл камералари орқали жазолаш керак чиқинди ташлаётган йўловчиларни. М-39 трассага хизмат кўрсатувчи ташкилот иш услибини қайта кўриб чиқиш керак.Кўтарилган мавзу бўйича фикирларим билан бўлишдим. Шундай имкониятимиз борлигидан хурсандман.
14 Декабрь 2023, 09:19
BOLTIBOYEV FOZILJON KOMILJONOVICH
Namangan Pop yo'lida tor qismiga sidirg'a chiziq chizilib dron orqali jarimaga tortilyapti. U joyda bitta yuk moshina ortidan tushib qolinsa 40 km masofani shu moshina ortida o'tkaziladi. yo'lni bir tomonlama qismini hech bo'lmasa 2 palasali qilish kerak deb o'ylayman
4 Декабрь 2023, 19:49
O‘SAROV XASAN O‘RISHEVICH
Aжойибку
10 Ноябрь 2023, 16:38

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси