Created with Highcharts 5.0.4

Барча ёқлаб берилган овозлар сони


Якка тартибдаги тадбиркорлик фаолият турлари рўйхатига туризм соҳаси (мавсумий хизмат кўрсатиш)ни киритиш керак.
Жамоавий мурожаат матни
Туризм соҳасида тадбиркорликни ривожлантириш мақсадида якка тартибдаги тадбиркорлик фаолият турларига туризм соҳасини киритиш лозим. Ҳозирги кунда тоғли ҳудудларда туристлар ва дам олувчилар асосан шахсий хонадонларни кунлик ижарага олишмоқда. Мана шу соҳани қонун билан белгилаб қўйиш лозим. Масалан, Қашқадарё вилояти Китоб тумани давлат хизматлари марказига тоғли ҳудудларидан кўплаб шахсий хонадон эгалари ушбу соҳада якка тартибдаги тадбиркор сифатида қонуний рўйхатдан ўтмоқчи бўлиб боришади, аммо якка тартибдаги тадбиркорлик турлари рўйхатида ушбу фаолият тури мавжуд эмас. Юридик мақомдаги тадбиркорлик субъекти сифатида рўйхатдан ўтиб шуғулланиш ушбу фаолият турига тўғри келмайди, сабаби ушбу фаолият тури мавсумий бўлиб, у билан фақат баҳор ва ёз ойларида шуғулланиш мумкин.
Жамоавий мурожаат / ғоя ни амалга ошириш
Таклифим: якка тартибдаги тадбиркорлик фаолият турларига шахсий хонадонларда туристларга ва дам олувчиларга кунлик меҳмонхона хизматини кўрсатиш фаолиятини киритиш лозим. Бу эса ўз навбатида Давлат бюджетига, қолаверса оила бюджетига даромад келтиради, туризм ва хизмат кўрсатиш соҳасини ривожлантиради.
4928
Изоҳлар (8)
PRIMQULOV SARVARJON DAVLAT O‘G‘LI
Taklifni qo'llab quvatlayman. O'zim ham Davlat xizmatlari markazi xodimiman, Bunday mavsumiy yo'nalishli faoliyat turlari va boshqa yo'nalishdagi faoliyatlarni so'rab murojaat qilishadi. Hursandman manashunday takliflar kelgusida omma tomonidan maqullansa judaham kop yurtdoshlarimiz uchun foydali bo'lardi
4 Июль 2018, 15:14
RUSTAMOV SHAVKAT HIDOYATOVICH
Таклифни қўллаб қувватлайман KARIMOV ANVAR AZAMATOVICH бу сохада сайёхларга хизмат курсатишда умумий овкатланиш, мехмонхона хизмати, чакана савдо хизматлари ва бошка фаолият турлари билан шугулланилади. Бу фаолиятларни ЯТТ лар ҳам бемалол эплайди!
21 Июнь 2018, 18:18
MURODOV AZAMJON MIRZAMITDIN O‘G‘LI
Ўзи умуман якка тартибдаги тадбиркор ва фирмаларни бирлаштириб, фақат битта ташкил қилиш керак. Нима фойда ўзи 2 ҳил қилиб. Фақат фирма қилсин ҳамма ҳоҳлаган бизнесини қилсин. Пули бори - фирма, пули йўқ - якка тартибдаги тадбиркор бўлмасдан. Бир иккита якка тартибдаги тадбиркордан пул ўтказиш йўли орқали нарса олмоқчи бўлсак, мумкин эмас дейишади. Қачонгача шунақа тўсиқ бўлади. Якка тартибдаги тадбиркор ҳам пули кўп имконияти бўлганда фирма очиб ишлаган бўлар эди ўзи. Чўнтак кўтармаганлиги сабабли, у секин бой бўлади. ТАДБИРКОР ҚАЧОН ТЕЗ БОЙ БЎЛАДИ, ЙЎЛИДАГИ ШУНГА ЎХШАШ ТЎСИҚЛАР ОЛИБ ТАШЛАНСА ШУНДА БОЙ БЎЛАДИ. Қилсин мана оддий кичик тадбиркор ҳам туризм билан, экспорт билан шуғиллансин. Ҳоҳлаган ташкилотлар ва ҳоҳлаган одами билан эркин савдо қилсин. Шартмикан албатта шундай тўсиқлар.
24 Май 2018, 19:56
XURRAMOVA XULKAR SHUKUROVNA
Туризм хар томонлама ривожланса албатта давлатга ва рузгорга файда келтиради. Аммо хар бир килинган ишнинг узига яраша масьулияти бор. Уша масьулиятни якка тадбиркор уддасидан чика олармикан, бу хакда хам пухта уйлаб куриш керак.
24 Май 2018, 16:49
SAMIGJANOV SHERZOD ERGASHEVICH
Туризм лицензиясини якка тартибдаги тадбиркорларга бериш бу нотугри! хеч бир ривожланган давлатларда бундай тажриба йук, бу таклифни бошка хизмат сифатида руйхатдан утишни уйлаш керак
18 Май 2018, 14:00

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси