Ишонч телефонлари билан боғлиқ муаммоларни бартараф этиш ҳақида
  • Йўналиш:Қонунчилик
  • Сана:2019-11-12 23:27:42
  • Муаллиф:RIZAYEV AKMAL ALISHER O‘G‘LI
Жамоавий мурожаат матни
Ишонч телефонлари фуқаролар дуч келиши мумкин бўлган муаммоларини бартараф этишларида қулай воситалардан биридир. Шундай экан, улардан фойдаланишни янада қулайлаштириш мақсадга мувофиқ бўлар эди. Шу кунларда, биз мурожаат қилаётган ишонч телефонлари нега ишламаяпти, нега уларга ҳеч ким жавоб бермаяпти, нега бошқа манзилга тушаяпмиз қабилидаги саволлар барчани ўйлантираётгани рост. Соғлиқни сақлаш, таълим, истеъмолчиларнинг ҳуқуқларини ҳимоя қилиш тизимларида, шунингдек, ҳуқуқни муҳофаза қилиш органларида ишонч телефонларига жавоб берувчи мутахассисларни кўпайтириш зарур. Барча ишонч телефон рақамларини ўзида мужассамлаштирган интернет сайти яратилганида, биз мурожаат йўлламоқчи бўлган муассасанинг ишончли рақамини топишимиз осон бўлар эди. Бундан ташқари, ишонч телефонларига жавоб бермаганлик учун жавобгарликка сабаб бўладиган ҳолатларнинг рўйхатини тузиш халқ билан бўладиган мулоқотга янада масъулият билан ёндашишга сабаб бўлар эди. Ҳеч кимга сир эмаски, кўплаб ташкилот ва муассасаларда, исътемолчи ёки мижоз билан боғлиқ зиддиятли вазиятлар ишонч телефонларига мурожаат этишни тақозо этади. Шу мақсадда, онлайн режимда мурожаатчилар сонининг кўриниб туриши ёки мурожаатларни қабул қилишнинг онлайн йўлга қўйилиши фуқаролар ва мутасаддилар ўртасидаги мулоқотнинг шаффофлигини таъминлайди.
Жамоавий мурожаат / ғоя ни амалга ошириш
Юқоридагиларни инобатга олган ҳолда давлат органлари ишонч телефонларининг тўлиқ рўйхатини ўзида акс эттирган сайт йўлга қўйилишини ва ишонч телефонлари билан боғлиқ муаммоларни ўрганган ҳолда мутасаддиларнинг жавобгарлигини назарда тутувчи меъёрий ҳужжатларни ишлаб чиқишни таклиф қиламиз.
309
Изоҳлар (2)
ABDURAIMOV RASULJON SAIPJONOVICH
Ишонч телефон рақамлари хақиқатдан хам халқнинг ишончидан чиқиб бормоқда. Ишонч телефонларига жавоб бермаганлиги учун ташкилот, бошқарма ва ҳакозо рахбарларига маъмурий жавобгарликкани белгилаш ва катта суммада жаримага тортиш мақсадга мувофиқ бўлар эди.
12 Январь 2020, 12:31
BOYMURODOV NAJMIDDIN ABDUQODIROVICH
Ishonch telefonlari bilan bo'layotgan muammolar haqiqatdan ham yetarlicha bo'lmoqda. Muammo yaxshi ko'tarilgan. Kelajakda jamoatchilikning qonuniy ish olib borish uchun, kuzatilayotgan korrupsiyani oldindan bartaraf qilishga xizmat qiladi deb o'ylayman. Muallifga rahmat!
7 Январь 2020, 17:50

Изоҳ қолдириш

Изоҳ қолдириш учун id.gov.uz тизими орқали рўйхатдан ўтишингиз лозим
Created with Highcharts 5.0.4

Барча овозлар сони

Жамоавий мурожаатга овоз бериш учун: 76 кун қолди

Жамоавий мурожаатга овоз бериш

Жамоавий мурожаатни улашиш
×
Портал харитаси
Эшитиш учун матнни белгиланг ва ушбу тугмани босинг