Юнусобод туманида жойлашган “Юнусобод дехқон бозори” атрофида автотранспорт воситаларининг бетартиб жойлаштирилганлигини кўришимиз мумкин. Бу бир тарафдан автомобилларнинг сони ортиб бораётганлиги билан изоҳланса, иккинчи тарафдан автомобилларни қўйиш учун махсус автотураргоҳлар мавжуд эмаслиги билан боғлиқдир. Ушбу ҳолат биринчидан, пиёдаларнинг ҳаётларини хавф остида қолдирса; иккинчидан, ҳайдовчиларга ноқулайликлар юзага келтирмоқда.

Шундан келиб чиқиб, тегишли мутахассислар хулосаси асосида “Юнусобод дехқон бозори” қаршисидаги кўприк остида автотураргоҳ қуришни таклиф қиламиз. Албатта, автотураргоҳга кираётган транспорт воситалари доимий назорат қилинмоғи керак. Шаҳримизнинг ҳар бир ҳудудидан унумли фойдаланиш мақсадида агар хавфсизлик талабларига жавоб берса, бошқа кўприклар остида ҳам автотураргоҳлар ташкил этилса, ҳайдовчилар ва фуқаролар учун катта қулайликлар юзага келади.