Вилоятлараро йўллардаги бетон тўсиқларнинг баландлигини ошириш ҳақида
Жамоавий мурожаат матни
Бугун юртимиз йўллари кундан-кунга яхшиланиб, янгиланиб, уларнинг хавфсизлигига катта эътибор бериляпти. Бу жуда яхши. Лекин ҳали соҳада қилиниши керак бўлган ишлар ҳам талайгина. Мисол учун, кечки вақтда вилоятлараро йўлларда бетон тўсиқларнинг пастлиги сабабли қарама-қарши томондан келаётган транспорт воситасининг чироқлари кўзни қамаштириб, турли автоҳалокатларга сабаб бўлмоқда.
Жамоавий мурожаат / ғоя ни амалга ошириш
Таклифим, вилоятлараро йўлларни иккига ажратиш учун қўйилган бетон тўсиқлар баландлигини мутахассислар билан ўрганиб чиқиб, қўшимча 40-50 см.га кўтариш, бундай бетонларнинг стандартларига ўзгартириш киритиш лозим. Шунда йўлларда турли бахтсиз ходисалар сони янада камаяди.
390
Изоҳлар (11)
NUNAZAROV DILMUROD MUKUMOVICH
Hurmatli RAHMANOV RAHIM ABDUG‘ANIYEVICH gapingizda ayrim masalalarda jon bor, lekin bu fikrda emas chunki har bir avtomobil haydovchisi (egasi desak xato bo'ladi) hohlaydimi yo'qmi yo'l uchun soliq to'laydi, modomiki soliq to'lar ekan tekis, qulay, ravon yo'lda yurishga haqli. BAHRONOV UMIDJON SHAROF O‘G‘LI gapingizga qo'shilaman, lekin bu katta xarajatligini inobatga olgan holda shu to'siqlarni olib tashlashni yoki 20sm balandlikda qo'yishni tavsiya qilaman. Chunki to'siq bo'lmasa yoki past bo'lsa qarama qarshidagi avtomobil chiroqlari ham yo'lni yoritishga yordam beradi.
13 Апрель 2019, 23:13
RAHMANOV RAHIM ABDUG‘ANIYEVICH
Қуруқ гапириш билан, амалда ижро ўртасида жуда катта фарқ борлигини аксарият ҳолатларда унутилмоқда. Таклиф бериш ёки минбарга чиқиб вазхонлик қилиш ҳаммани қўлидан келади, лекин кўзи қамашадиган шу ҳайдовчиларга йўл ўртасидаги битта бетонни ўзингиз ҳисобингиздан ўрнатиб беринг -деб сўрангчи бир хил ижобий жавоб олиб бўларканми? Бу масалада биринчи галда лойиҳачилар ишлаш керак, кейин маблағ масаласини ҳал этиб, хохлаганча кўтариш керак. Кўзи қамашадиган минглаб ҳайдовчилар кўча четида ўрнатилган тунги ёритгичларни лампаси куйиб қолганда битта чироқ олиб берганини ҳеч учратилмаган ва учратилмайди. Бизда давлат қилиш керак, давлат камайиб қолмайди деган ақида бор.
12 Апрель 2019, 20:06
AKBAROV AZAMAT ALISHEROVICH
Нега хайдовчилар узокни ёритувчи чирокни ёкишади? Негаки йул куринмагандан кейин ёкадида. Буни олдини олиш учун нима килиш керак? Куп миллион сарфлаб бетонни баландлигини кутармасдан йулларимизга ёритиш чироклари урнатилса булди манимча муаммо хал.
10 Апрель 2019, 11:52
SIDIQOV BEKJON BAHROMJONOVICH
Bu fikr kimdan chiqqan bulsa OTAsiga RAXMAT. Biz haydovchilarniyam qullab quvvatlaganilaga. Ayniqsa kechasi qarama-qarshi yoldan kelayotgan mashinalarni chirog'i ko'zni qamashtirib charchatadi.
10 Апрель 2019, 11:49
XOLIQULOV DONIYOR BAXTIYOROVICH
Мен деярли хар куни тўсиқлар қўйилган магистраль йўлдан харакатланман. Тунги вақтда қарама-қарши йўналишдан келатган транспорт воситалари бир-бирига ҳалақит беради. Тўсиқ баландлиги камида 20 см га оширилса, бахтсиз воқеаларни ва ноқулайликларни олди олинарди.
10 Апрель 2019, 08:22

Изоҳ қолдириш

Изоҳ қолдириш учун id.gov.uz тизими орқали рўйхатдан ўтишингиз лозим
Created with Highcharts 5.0.4

Барча овозлар сони

Жамоавий мурожаатга овоз бериш учун: 78 кун қолди

Жамоавий мурожаатга овоз бериш

Жамоавий мурожаатни улашиш
×
Портал харитаси
Эшитиш учун матнни белгиланг ва ушбу тугмани босинг