Навоий шаҳрида Тошкент ахборот технологиялари университетининг Навоий филиалини очиш тўғрисида
Жамоавий мурожаат матни
Навоий вилояти табиий ресурсларга бой ҳудуд бўлиб, вилоятда йирик саноат корхоналари фаолият кўрсатмоқда. Шунингдек, 2008 йилда вилоятда Навоий эркин индустриал-иқтисодий зонаси ташкил этилиб, Жанубий Корея, Ҳиндистон, Хитой ва Сингапур каби хорижий ҳамкорлар билан кенг кўламли фаолият олиб борилмоқда. Ушбу ҳудудда жойлашган саноат корхоналари ва бошқа давлат ҳамда хусусий ташкилотлар фаолиятида замонавий ахборот технологиялари кенг қўлланилмоқда. Олиб келинаётган технологияларнинг кўпчилиги интеллектуал тизимларга асосланган, яъни компьютерлар бошқарувида ишлайди ва бу, ўз навбатида, ҳудудда ахборот технологиялари соҳасидаги мутахассисларни талаб қилади. Шунинг учун, Навоий шаҳрида Муҳаммад ал-Хоразмий номидаги Тошкент ахборот технологиялари университетининг филиали ташкил қилинса, Навоий ва Бухоро вилоятлари ёшлари учун замонавий касбни эгаллашлари, натижада Республикамиз иқтисодиётини янада ривожлантиришга ўз ҳиссаларини қўшишга замин яратилган бўлар эди. Ҳозирги кунда вилоятда 2 та олий ўқув юрти фаолият кўрсатмоқда, бу эса вилоят салоҳиятига нисбатан жуда паст кўрсаткич ҳисобланади. Масалан, 2018-2019 ўқув йили учун иккита олий ўқув юрти кундузги бўлимига 20 мингдан ортиқ абитуриент ҳужжат топширган бўлиб, шундан 2 минг 700 дан ортиғи талабаликка қабул қилинган.
Жамоавий мурожаат / ғоя ни амалга ошириш
Навоий шаҳрида Муҳаммад ал-Хоразмий номидаги Тошкент ахборот технологиялари университети филиалининг ташкил этилиши натижасида Навоий ва Бухоро вилояти ҳудудидаги саноат корхоналарини, шунингдек бошқа тармоқларни ахборот технологиялари бўйича зарур мутахассислар билан таъминлашга эришилади, шунингдек кўпгина иқтидорли ёшлар олий таълим муассасасига қамраб олинади. Шу сабабдан, мазкур филиал очилишини қўллаб-қувватлашингизни сўрайман.
7057
Изоҳлар (20)
BURONOV ALISHER XOLMURODOVICH
Энг оғриқли нуқта Ўқитувчи кадрлар масаласи, агар ҳамма жойда бўлгани каби ўртаҳол ўқитувчилар ўқитса ундан кўра очмаган маъқул. Чунки давлатнинг шунча пулини бекорга сарфлаш бўлади. Лекин қани энди ҳақиқий дастурчилар, Инженер-электроник ва бошқалар етишиб чикса эди
3 Май 2019, 16:47
BOTIROVA KAMOLA ERKINOVNA
Navoiy viloyatida ham TATU filialining ochilishi juda o'rinli. Dasturlash va axborot kommunikatsiya texnologiyalarini o'rganish hamda yetuk mutaxassislar tayyorlashda hududlar qamrovini kengaytirishni maqullaymiz!
4 Апрель 2019, 21:05
DJUMANAZAROV ODIL XAYITKULOVICH
Жуда яхши фикр. Қўллаб қувватлайман. Олий ўқув юртининг очилиши нафақат ушбу соҳа ривожига балки ҳудуднинг ижтимоий-иқтисодий ривожланишига ҳам ижобий таъсир кўрсатади. М.: Самарқанд ва Бухорода тиббиёт олий ўқув юртларининг мавжудлиги ушбу вилоятларда медицина ривожига яхшигина таъсир этган. Қолаверса чет эл олий ўқув юртларининг филиалларини фақатгина пойтахтда очавермасдан вилоятларгаям эътибор берилса яхши бўларди
3 Апрель 2019, 21:39
ATADJANOV XAJIBAY SABUROVICH
Биратўла ахборот технологияси, механика ва оптика миллий университетини ташкил килиш зарур. Сабаби тармоқлар оптика билан уланаяпти. Ва шу билан бирга олдинда жуда катта тармоқлар яратиш вазифаси турибди. Навоийда оптик кабель заводи бор. Тоғ металургиясиягаям АКТ ва механика жуда зарур. Университет йўналиши аниқ бўлади. Албатта агар ўқитадиган кадрлар билан таъминланса.
3 Апрель 2019, 09:45
JO‘RAYEV SARDOR UMRUZOQ O‘G‘LI
Yaxshi fikr. Ayniqsa sirtqi ta'limni yo'lga qo'ysa juda ham ajoyib bo'lar edi.
29 Март 2019, 09:00

Изоҳ қолдириш

Изоҳ қолдириш учун id.gov.uz тизими орқали рўйхатдан ўтишингиз лозим
Created with Highcharts 5.0.4

Барча овозлар сони

  • Кўриб чиқиш жараёнида
Жамоавий мурожаатни улашиш
×
Портал харитаси
Эшитиш учун матнни белгиланг ва ушбу тугмани босинг