Ўриндиқсиз автобусларни жорий қилиш ҳақида
Жамоавий мурожаат матни
Бугунги кунда жамоат транспортларида аҳоли учун кўплаб қулайликлар яратилмоқда. Бу албатта қувонарли ҳол, аммо тиғиз вақтларда йўловчиларнинг иш, ўқиш, бозор ва бошқа манзилларга етиб олишида автобуслар сиғими талабга жавоб бермайди. Бу эса ўз навбатида бир қанча ноқулайликларни юзага келтиради. Автобус йўналишлари ва уларда қатновчи автобуслар сонини ошириш каби чоралар билан бирга қўшимча тарзда эрталабки ва кечки тиғиз вақтларда ўриндиқсиз автобуслардан фойдаланиш мақсадга мувофиқ. Сабаби ўриндиқсиз автобуслар ўриндиқлиларига нисбатан кўпроқ йўловчиларни ташиш имкониятига эга.
Жамоавий мурожаат / ғоя ни амалга ошириш
Шу сабабли, автобуcларнинг техник-конструктив хавфсизлигига алоҳида эътибор қаратган ҳолда ўриндиқсиз автобусларни эрталаб соат 07:00 - 09:00 оралиғи ва кечки соат 17:00 - 20:00 га қадар энг серқатнов йўналишларда синовдан ўтказишни таклиф қиламан. Синов ўзини оқлаганда, шу турдаги автобусдарни фойдаланиш орқали аҳолига яна бир қулайликни яратиш мумкин.
410
Изоҳлар (19)
XOJIMATOV A’ZAMJON NABILLAYEVICH
Тўғри аҳолининг кўп қисми ёш авлоддан иборат уларга ўриндиқсиз жамоат транспортлари муаммо туғдирмайди аммо, ёши улуғ нуронийларни ҳам унутмаслик керак деб ўйлайман. Нафақага чиқган инсонлар ҳам 24 соат уйда ўтиришмайди, уларни ўрнига ўзимизни 30-40 йиллардан кейинги ҳолатимизни қўйиб кўришимиз керак эмасмикин?
1 Март 2019, 15:55
CHORIYEV SHERALI IBRAGIMBOYEVICH
Маъқул, фақат ўша автобусларда ўриндиқлар сони чекланганини кўрсатиб турувчи, огоҳлантирувчи белгини ҳам қўйиш мумкин (худди ногиронлиги бўлган шахслар учун белги бўлгани каби). "Час-пик" пайтларида автобус қатнаш вақти оралиғи қисқартирилиши ва бир вақтнинг ўзида вавбати билан олдинма-кетин қатнаши керак. Токи қариялар, ҳомиладор аёллар ёки имконияти чекланганлар шу белгига қараб ҳаракатланиши мумкин бўлади.
27 Февраль 2019, 20:56
RAXIMJONOV QOBILJON TO‘LQINJON O‘G‘LI
ALDANOVA FERUZA YO‘LDOSHEVNA - bu taklif "barcha avtobuslarni o'rdiqsiz qilish kerak" degan ma'noni ANGLATMAYDI! Shunchaki, tig'iz vaqtda oddiy avtobuslar orasiga o'rindiqsiz (o'rindig'i kam) bo'lgan avtobuslarni qo'shib qo'yishni va tig'iz vaqt o'tgandan keyin ularni avtobus bazasiga jo'natishni bildiradi. Boshqacha aytganda, bu avtobuslar faqat va faqat tig'iz vaqtda ishlaydi. Siz hozir qariyalar, homilador yoki bolali ayollar deyapsiz. Lekin aytigchi, erta tongda tig'iz vaqtda ular avtobusda o'tira oladimi?! Avtobus shu qadar to'la bo'ladiki, bo'sh joy bo'lsa ham u yerga o'tib o'tirishning iloji bo'lmaydi!
27 Февраль 2019, 18:05
ALDANOVA FERUZA YO‘LDOSHEVNA
Умуман кушилмиман котта кичиклар бор. Уларга утиришга жой булиши лозим. Хомилодор аеллар таксида юриш керакми.
27 Февраль 2019, 13:35
XALBAYEV SANJARBEK ALLABERGANOVICH
фикрингизга қўшиламан, фақат автобуснинг техник имкониятларидан ҳам четга чиқмаслик керак. Бундан ташқари автокорхоналар автобус сотиб олиш вақтида амалдаги меъёрий талабларга риоя этишини назорат қилиш керак. Масалан, йўловчи ташувчи автобус эшикларининг кенглиги 1.2 метрдан кам бўлмаслиги, автобусга чиқишда зинапоялар бўлмаслиги, шаҳар автобусда ўриндиқлар сони 30 фоиздан ошмаслиги ва бошқалар кўрсатилган.
27 Февраль 2019, 09:08

Изоҳ қолдириш

Изоҳ қолдириш учун id.gov.uz тизими орқали рўйхатдан ўтишингиз лозим
Created with Highcharts 5.0.4

Барча овозлар сони

Жамоавий мурожаатга овоз бериш учун: 62 кун қолди

Жамоавий мурожаатга овоз бериш

Жамоавий мурожаатни улашиш
×
Портал харитаси
Эшитиш учун матнни белгиланг ва ушбу тугмани босинг