Футболни ривожлантириш учун янги фонд ташкил этиш ҳақида
Жамоавий мурожаат матни
“Умид” жамғармаси бир вақтлар иқтидорли ёшларни қўллаб, уларнинг хорижда таҳсил олиши учун имконият яратиб берган эди. Шу тажрибани футболда қўллашни таклиф қилган бўлардим. Футбол тарбияланувчилари орасидан энг иқтидорлиларини 5-10 йиллик шартнома асосида ҳозирда машҳур бўлган Европа футбол академияларида давлат гранти асосида тарбиялаш учун юбориш керак.
Жамоавий мурожаат / ғоя ни амалга ошириш
Бунда ЎФА томонидан махсус фонд тузилиб, у орқали молиялаштирилса, мақсадга мувофиқ бўлади, деб ўйлайман. Ҳар бир тарбияланувчи ЎФА билан шартнома имзолайди ва ЎФА келажакда тарбияланувчи учун сарфланган пулни бир неча баробар қилиб қайтариб олиш имкониятига эга бўлади. Фикримча, Европа футбол академияларидан мураббий олиб келгандан кўра, тарбияланувчиларни Европа “ҳавоси” билан тўйинтирган маъқул. Академияда унинг рақиби Месси ёки Дембелега ўхшаган иқтидорлар бўлишади. Айтайлик, ҳар йили 10 тадан ўсмирни футбол академияларига юбориб, харажат қилишни бошласак, 10 йилдан сўнг бу ишлар ўзининг мевасини беради. Агар 100 та тарбияланувчидан 5 таси юқори натижага эришса, бу ҳам моддий томондан ўзини оқлайди, ҳам ўзбек футболи ривожи учун муҳим қадам бўлади. Ҳозирда бизда қисқа муддатли лойиҳалар бор, ёш футболчиларимиз 1-2 ой хорижий академияларда тажриба алмашиб қайтмоқда. Шу лойиҳаларни узоқ муддатли қилиб, болалар футболини қўллаб-қувватласак, келажакда ўзининг ижобий натижаларини беради.
117
Изоҳлар (2)
GOFUROV ILXOMJON BOTIRJON O‘G‘LI
Факат футбол эмас, барча спорт турларида шу нарсани килиш керак.
9 Декабрь 2018, 15:10
RUSTAMOV SHAVKAT HIDOYATOVICH
Бошқа ташвиш йўқми? Юртда футбол ривожланса, футболистлар кўпайса, юртимиз тараққиётга юз тутиб, халқнинг турмуши яхшиланадими, бошқа илғор давлатларга тенглашиб, улардан ўзиб кетамизми? Ёки ички ва ташқи душманларимиз биздан кўпроқ қўрқадиган бўладими? Ёки тўп тепиш орқали футболистлар ва уларни томоша қиладиганлар Ватан, халқ ва ... олдидаги бурчларини бажарган бўлишадими?
21 Октябрь 2018, 09:44

Изоҳ қолдириш

Изоҳ қолдириш учун id.gov.uz тизими орқали рўйхатдан ўтишингиз лозим
Created with Highcharts 5.0.4

Барча овозлар сони

Жамоавий мурожаатга овоз бериш учун: 78 кун қолди

Жамоавий мурожаатга овоз бериш

Жамоавий мурожаатни улашиш
×
Портал харитаси
Эшитиш учун матнни белгиланг ва ушбу тугмани босинг