Created with Highcharts 5.0.4

Барча ёқлаб берилган овозлар сони


Якка тартибдаги тадбиркорлар учун қатъий белгиланган солиқ ставкалари тизимини соддалаштириш ҳақида
Жамоавий мурожаат матни
Якка тартибдаги тадбиркорлар учун қатъий белгиланган солиқ ставкалари, яъни мажбурий тўловлар тизимида камчиликлар мавжуд. Чунки ҳозирда ЯТТ ва бошқа юридик бўлмасдан фаолият юритувчилардан ҳар ойлик патент (қатъий белгиланган солиқ) олинади. Патент ставкалари катта шаҳар, шаҳарчалар ва туман, қишлоқ бўйлаб турлича қилинган бўлса-да, тадбиркорнинг иқтисодий фаолиятдан оладиган фойдаси шаҳар, қишлоқнинг ўзида ҳам, турли жойда турлича бўлади. Ҳатто бозор ичида ҳам, тадбиркор дўконининг жойлашган ўрнига қараб, савдодан фойдаси турлича бўлади. Масалан, бозор эшиги олдида турган тадбиркор патент пулини ярим кунда ишлаб топса, дўкони бозорнинг охирида жойлашган тадбиркор ярим ойлик фаолиятидан патент пули учун маблағ йиғади, айрим ҳолларда умуман йиға олмайди. Бизнинг Бухоро бозорларида ҳам бозорнинг ички, оралиқ қисмларида жойлашган турли дўкон эшикларига “ёпиқ” ва “сотилади” мазмундаги эълон осилган. Чунки, истеъмолчи одам кам қатнайдиган жойларда патент пулини қоплаб бўлмайди.
Жамоавий мурожаат / ғоя ни амалга ошириш
Шу сабабли, ваколатли органлардан, қатъий белгиланган солиқнинг ўрнига тадбиркорлик фаолияти фойдасидан ёки ялпи тушумидан фоиз олиш сингари ягона солиқ тизимини жорий этиш тўғрисида қонун қабул қилишларини сўраймиз.
5560
Изоҳлар (22)
RUSTAMOV SHAVKAT HIDOYATOVICH
RAUFOV FARRUX: Давлат солик инспекцияси томонидан якка тартибдаги тадбиркорнинг канча савдо килишини назорат килишнинг жуда кучли ва ишончли тизими яратилса албатта сиз айтган фикр энг тугри карор булар эди менимча ------ Жавоб: https://meningfikrim.uz/ru/cabinet/view/1895 да баён этган "Давлатимиз, халқимиз ва тадбиркор учун фойдали электрон йўл картаси-чеки СТАРТ-АП пойихаси" -таклифим давлатимиз томонидан ҳаётга тадбиқ қилинганида нақд пул обороти бутунлай истеъмолдан чиқиб, барча турдаги тадбиркорликнинг кирим-чиқим оборотини кузатиш ва солиқ-бюджет сиёсатини тубдан оптималлаштириш мумкин. Бу икки таклифнинг тадбиқи фойдалари: 1) Харажати-оворалиги катта нақд пулдан воз кечиш имконияти бу. 2) Давлат хусусий сектордан даромад ҳисоботлари-декларациялар йиғиш анализ қилишдек, халлқ қийин ва давлатга дахмазали юкдан халос бўлинади. Ва бошқа фойдалари ҳам жуда кўп. Ёзишга жой етмайди. ВАКОЛАТЛИ ОРГАНЛАРДАН ИЛТИМОСИМ -МАЗКУР ИККИ ТАКЛИФГА ЭЪТИБОР БЕРИШИНГИЗНИ СЎРАРДИМ.
1 Ноябрь 2018, 11:14
RAUFOV FARRUX BAXTIYAROVICH
XOLMATOVA SARVINOZ SHAVKAT QIZI рахмат сизга мени 23 Август 2018, 12:25 да ёзилган фикрларимни тулик нусха килганингиз учун. Хатто соатлари билан бирга. Барибир хафа эмасман, чунки мени фикримга кушилгансиз.
9 Сентябрь 2018, 11:28
XOLMATOVA SARVINOZ SHAVKAT QIZI
Cолик тўловлари жуда баландлиги учун кўп тадбиркорлар ўз ишни бошламайди. Кўп тадбиркорлар хали фойда олмасдан туриб каттагина солиқни тўлашга тўғри келади. Сиз айтган таклиф агар амалга ошса менимча жуда яхши бўлади. Давлат солик инспекцияси томонидан якка тартибдаги тадбиркорнинг канча савдо килишини тўлик назорат қила олмайди, агар бордию назорат килишнинг жуда кучли ва ишончли тизими яратилса албатта сиз айтган фикр энг тугри карор булар эди менимча. Агар сизни нотугри тушунган булсам узр. Лекин бозордаги савдо дўконларнинг жойлашувига қараб даромад хар хил бўлиши 100 фоиз аник. 23 Август 2018, 12:25
8 Сентябрь 2018, 11:32
RUSTAMOV SHAVKAT HIDOYATOVICH
NUNNAZAROV AMIRIDDIN : ҳамма ЯТТ тадбиркор савдо пулларини банк кассаси оркали айлантирадими? ---- Ҳамма пуллар банк кассаси орқали айланиши шартмас, нақд тушумдан факат олинадиган % ли -солиқ тўловлари банкка тушади. Қолган нақдни эса тадбиркорлар ўз бизнеслари учун айлантираверишади.
26 Август 2018, 15:24
NUNNAZAROV AMIRIDDIN QUVANDIKOVICH
Ҳурматли ватандошлар билдирган фикрларингиз баъзиларига қушиламан. Аммо, ҳамма ЯТТ тадбиркор савдо пулларини банк кассаси оркали айлантирадими? ЯТТ тадбиркор ва бошқалар солиқлардан қочмасдан касса орқали тушган тушумини айлантирса иқтисодиёт ғилдираги ғичирламасдан айланишига ишонаман.
25 Август 2018, 21:02

Изоҳ қолдириш

Изоҳ қолдириш учун id.egov.uz тизими орқали рўйхатдан ўтишингиз лозим
×
Портал харитаси