Ўзбекистон Республикаси Президенти Шавкат Миромонович Мирзиёевни олий даражадаги мукофот “Ўзбекистон Қаҳрамони” унвони билан тақдирлаш ҳақида
Жамоавий мурожаат матни
Ҳурматли сенаторлар ва депутатлар! Ўзбекистон Республикаси Президентининг расмий веб-сайтидаги “Мукофотлар” рукнига кирилганида, Юртбошимиз Шавкат Миромонович Мирзиёев давлат ва бошқарув органларидаги кўп йиллик самарали меҳнати, юртимиз равнақи, халқимиз фаровонлигини юксалтириш ишига улкан ҳисса қўшгани учун “Меҳнат шуҳрати” ва “Фидокорона хизматлари учун” орденлари билан тақдирланганлигини кўришимиз мумкин. Лекин бизнинг фикримизча, ушбу инсоннинг қилган барча ҳаракатларига давлатимиз томонидан ҳали етарлича баҳо берилмаган ва ҳозирча муносиб равишда тақдирланмаган. Бизнинг ҳаётимизга ёрқин нур олиб кирган, хонадонларимизда хурсандчиликни кўпайтирган, қўшни халқлар билан муносабатларни юқори поғоналарга кўтарган, қишлоқларимиз ва шаҳарларимизни гўзал қилиб бераётган Юртбошимизни Аллоҳнинг ўзи асрасин. Халқимиз ардоғидаги Президентимиз муносиб равишда тақдирланиши керак.
Жамоавий мурожаат / ғоя ни амалга ошириш
Ўзбекистон Республикасининг 1994 йил 5 майдаги “Ўзбекистон Қаҳрамони” унвонини белгилаш ва олий нишон – “Олтин Юлдуз" медалини таъсис этиш тўғрисида”ги Қонунига мувофиқ “Ўзбекистон Қаҳрамони” унвони олий даражадаги мукофот бўлиб, Ўзбекистон Республикасининг фуқароларига давлат ва халқ олдидаги қаҳрамонона жасорат кўрсатиш билан боғлиқ хизматлари учун берилади. Ўзбекистон Республикаси Президентига “Ўзбекистон Қаҳрамони” унвонини бериш Ўзбекистон Республикаси Олий Мажлиси томонидан амалга оширилади. Президентимиз Шавкат Миромонович Мирзиёев Президентликка сайланганларидан сўнг қисқа муддат ичида халқимиз ва давлатимиз олдида қаҳрамонона жасоратлар кўрсатди ва ушбу давлат мукофоти билан Президентимизни тақдирлаш - халқимизнинг олий бурчидир. Шу муносабат билан, Сизларга чуқур ҳурмат билдириб, одилона ва оқилона, ҳар доимгидек халқимиз учун мақбул бўладиган қарор қабул қилишларингизга тўлиқ ишонган ҳолда, Юртбошимиз, элимизнинг фахри - Президентимиз Шавкат Миромонович Мирзиёевга “Ўзбекистон Қаҳрамони” унвонини беришни таклиф этамиз.
35939
Изоҳлар (18204)
NOROV IBROHIM BURXONOVICH
8 декабр Конституция куни яқилашиб қолди. Қарор чиқарилса яши бўлар эди.
30 Ноябрь 2018, 07:50
NOROV IBROHIM BURXONOVICH
"Халқ давлат идоралари учун эмас, балки давлат идоралари Халқ учун хизмат килишлари керак" - деган Конституциявий принципни амалга ошираётганлиги учун ушбу давлат мукофотини Конституция кунига берилса Халқ рози бўлар эди.
26 Ноябрь 2018, 14:31
XADJIBAYEVA MA’MURA ABDURAXMANOVNA
Мен O'zLiDeP Тошкент шахар Учтепа Кенгаши ижрочи котиб сифатида мамлакатимизда олиб борилаётган ислоҳотларни қўллаб-қувватлаган ҳолда, Муҳтарам Президентимиз Шавкат Миромонович Мирзиёевга олий даражадаги мукофот “Ўзбекистон Қаҳрамони” унвони билан тақдирлаш ҳақидаги таклифни маъқуллайман.
9 Ноябрь 2018, 13:37
NOROV IBROHIM BURXONOVICH
Қилинган ҳар бир иш муносиб тақдирланиши керак. Шунинг учун мен ушбу таклифга овоз берган хамюртларим билан бирга Президентимиз ушбу унвон билан тақдирланишини қўллаб-қувватлайман.
9 Ноябрь 2018, 13:13
NOROV IBROHIM BURXONOVICH
Иқтисодиётда ишлаб чиқаришнинг ўсишини тўҳтовсиз таъминлаш, ишлаб чиқаришни янги, энг илғор замонавий технологиялар орқали такомиллаштириш йўли билан максимал фойда олишни ташкил этиш ва пировард натижада Халқнинг ўсиб бораётган эҳтиёжлари, истаклари, мурожаатларини максимал равишда қаноатлантиришни таъминлашни давлат органлари ва мансабдор шахсларидан талаб этилаётганлиги бу жамиятимиз, халқимиз манфаатини ҳар нарсадан устун қўйилишидан далолат беради.
9 Ноябрь 2018, 13:13

Изоҳ қолдириш

Изоҳ қолдириш учун id.gov.uz тизими орқали рўйхатдан ўтишингиз лозим
Created with Highcharts 5.0.4

Барча овозлар сони

  • Кўриб чиқиш жараёнида
Жамоавий мурожаатни улашиш
×
Портал харитаси
Эшитиш учун матнни белгиланг ва ушбу тугмани босинг