Оммабоп
Банкоматлар орқали нақд пул олинганда фоиз тўловини чегаралаш ҳақида
Ҳозирда пластик картадаги пулни нақдлаштириш жараёнида тўлов 1 фоиз этиб белгиланган. Агарда сиз 1 млн. сўм нақд пул нақдлаштирсангиз, унда сиздан 10 минг сўм қўшимча ҳақ олиб қолинади. Бошида текин бўлган бу амалиёт айни вақтда 1 фоиз этиб белгиланди. Банк муассасалари буни банкоматга кетадиган харажатлар: интернет, техник таъминот, назорат қилиш каби харажатларни қоплаш учун олинади деб тушунтиришди. Майли, банкнинг ўз харажатлари борлигини тушунган ҳолатда 1 фоизга қаршилик йўқ, лекин қанча кўп пул ечиб олсангиз шунча кўп маблағ йўқотасиз. Агарда сиз 5 млн. сўм нақдлаштирсангиз, 50 минг, 10 млн. ...
Муаллиф: RAXIMJONOV QOBILJON TO‘LQINJON O‘G‘LI 2574
  • 65 Изоҳлар
  • 3232 Овоз берилган
Нукус шаҳрида болалар кардиохирургия марказини ташкил этиш ҳақида
Бугунги кунда болалар туғма юрак пороги кўп учрамоқда. Ҳозирда ушбу жарроҳлик амалиётини Нукус шаҳрида амалга оширишнинг имкони йўқ. Ушбу имкониятдан фойдаланиш учун катта сарф-харажатлар қилиб, Тошкент шаҳрига ёки бошқа чет давлатларга боришга тўғри келмоқда. Агар боришнинг иложи бўлмаса, чет элдан профессор-шифокорларнинг Ўзбекистонга келишини кутишга мажбур бўлмоқдамиз. Бу эса кўп вақтни талаб этади.
Муаллиф: ABDIJAMILOV DINMUXAMMEDALI ZINATDINOVICH 5277
  • 8 Изоҳлар
  • 2372 Овоз берилган
Автотранспорт воситаларини техник кўрикдан ўтказиш тартибини такомиллаштириш ҳақида
Автотранспорт воситаларини техник кўрикдан ўтказиш тартибини такомиллаштириш вақти келди. Мамлакатимизда мазкур жараённи халқаро стандартлар ва қоидаларга мослаштириш лозим. Шу сабабли, ушбу тартибни жорий этиш ва мажбурий техник кўрикдан ўтказиш жараёнини хорижий тажрибалар асосида такомиллаштириш зарур деб ҳисоблаймиз.
Муаллиф: SAMIGJANOV SHERZOD ERGASHEVICH 1276
  • 14 Изоҳлар
  • 1720 Овоз берилган
Амударё устидан автомобиллар учун кўприк қуриш ҳақида
Амударё тумани Қипчоқ шаҳарчасида Амударё устидан кўприк қурилиши туманнинг икки юз минг аҳолиси ва Хоразм вилояти аҳолисига анча қулайликларни яратади. Ҳозирги вақтда фойдаланиб келинаётган “пантон” кўприк хавфсизлик талабларига тўлиқ жавоб бермайди. Ҳар куни кўплаб ҳаракатланувчилар ушбу кўприк орқали ўтишади. Дарёда сув кўпайса ёки камайса, пайвандланган жойлари бузилса, кўприк ишида узилишлар содир бўлади. Аҳоли кўприкнинг ишлаб кетишини соатлаб кутиб ўтиришига тўғри келади, баҳорда муз эриганда кўприкдан фойдаланиш бир неча кунга тўхтаб қолади. Аҳоли учун йўлкира ҳаққи ҳам ошиб кетади. Кўприк фаолияти учун ишчилар, таъмирлаш ишлари учун ҳам анча маблағ сарфланиб ...
Муаллиф: TADJIBAYEV AKBAR BAXTIYAROVICH 4623
  • 33 Изоҳлар
  • 1276 Овоз берилган
Ўзбекистон Республикаси Олий Мажлис палаталарининг йиғилишларини жонли эфирда тўлиқ намойиш қилиш ҳақида
Фуқароларнинг ҳуқуқий онгини янада юксалтириш, уларда дахлдорлик ҳиссини ошириш мақсадида Ўзбекистон миллий телерадиокомпанияси орқали Олий Мажлис палаталарининг йиғилишлари тўлиқ равишда жонли тарзда эфирга узатилиши керак деб ҳисоблаймиз. Бу халқимиз, айниқса, ёшларнинг парламент ҳаёти билан яқиндан танишишига ва ҳуқуқий саводхонлигининг ошишига хизмат қилади.
Муаллиф: ZOKIROV ABROR AZIM O‘G‘LI 683
  • 11 Изоҳлар
  • 983 Овоз берилган
“Пиёдалар ўтиш йўлагида светофор ўрнатиш ёки ер усти (ости) ўтиш йўлини қуриш ҳақида
Низомий номидаги Тошкент давлат педагогика университетининг Касб таълими факультети Тошкент шаҳри, Яккасарой туманининг Шота Руставели кўчаси 105-рақамли бинода жойлашган. Бинода 1200 нафар талаба ва ўқувчилар таҳсил олади. Талаба ва ўқувчи ёшлар ҳар куни йўлни кесиб ўтишга мажбур. Автомобиль қатновининг зичлиги ва транспорт воситалари ҳайдовчиларининг йўл ҳаракати қоидаларига бўйсунмаслиги сабабли йўлни кесиб ўтиш жуда хавфли. Бундан ташқари, пиёдалар ўтиш йўлагида автобус бекати ҳам жойлашган. Хавфсизликни таъминлаш мақсадида автобус бекатини кўчириш ва пиёдалар ўтиш йўлагида светофор ўрнатиш ёки ер усти (ости) ўтиш йўлагини қуриш мақсадга мувофиқ.
Муаллиф: XASANOVA SABOXAT SA’DULLAYEVNA 474
  • 1 Изоҳлар
  • 950 Овоз берилган
Деҳқон бозорларига электрон таблоларни ўрнатиш хақида
Деҳқон бозорларининг ҳамма кўриши мумкин бўлган жойларига электрон таблоларни ўрнатиш лозим. Мазкур таблолар орқали бозор фаолиятига доир янгиликлар, бозор маъмуриятининг ишонч рақамлари, солиқ ва истеъмолчилар ҳуқуқларини ҳимоя қилишга доир қонунчиликдаги ўзгаришлар, янги маҳсулотлар ҳақида (аксарият маҳсулотларнинг нархлари ҳам) ва бошқа маълумотлар бериб борилади. Бу орқали истеъмолчиларнинг ҳуқуқлари бузилиши олди олиниб, бозордаги муносабатлар ҳуқуқий тартибга солинган бўлар эди.
Муаллиф: KOMILOVA MARG‘UBA NISHONBOYEVNA 277
  • 1 Изоҳлар
  • 859 Овоз берилган
Таксилар учун махсус тўхташ жойларини ташкил этиш ҳақида
Кундалик ҳаётимиз ва фаолиятимиз транспорт воситалари билан чамбарчас боғлиқдир. Шу сабабли, жамиятимизда транспорт воситалари, хусусан, таксилар хизматига бўлган эҳтиёж тобора ортиб бормоқда. Бироқ, такси хизматларидан фойдаланишда қилиниши зарур бўлган муайян ишлар мавжуд. Шулардан бири – таксилар учун махсус тўхташ жойларини ташкил этишдир. Ҳозирда, бундай жойлар алоҳида чизиб ажратилмаган. Шу сабабли, йўловчи истаган жойида таксини тўхтатиши мумкин. Бу ҳолат нафақат йўл ҳаракати қоидаларининг бузилишига, балки пиёдалар учун ҳам кўплаб ноқулайликларни келтириб чиқаради. Айниқса, бекатлар яқинида таксилар тўхтаб турганида шундай ҳолат кўзга яққол ташланади. Бундай ҳолатларни бартараф этиш мақсадида таксиларни тўхтатиш ...
Муаллиф: RAXIMJONOV QOBILJON TO‘LQINJON O‘G‘LI 498
  • 17 Изоҳлар
  • 726 Овоз берилган
Олий таълим муассасалари ўртасидаги фан олимпиадаларини такомиллаштириш ҳақида
Олий таълим муассасалари ўртасидаги фан олимпиадаларини такомиллаштириш керак. Менинг таклифим шуки, Олий ва ўрта махсус таълим вазирлиги олимпиада куни ҳамма иштирокчиларни тўплаб, олимпиада материалларини онлайн танлаб олиш имкониятини бериши керак. Жавобларни ҳам онлайн бериш амалиётини жорий этиш керак. Шунда иштирокчилар ўзларини ўзлари баҳолаш имкониятига эга бўлишади. Ҳозирги кунда олимпиада саволлари мезбон университетнинг профессор-ўқитувчилари томонидан тайёрланади ва бу ўз навбатида танловнинг адолатли ўтишига таъсир қилади. Ҳакамлар ҳайъати ҳам Олий таълим ва ўрта махсус вазирлиги томонидан белгиланиши керак. Ҳар бир босқичда иштирокчилар ишларининг Олий таълим ва ўрта махсус вазирлиги сайтига жойлаштирилиши ...
Муаллиф: TO‘RAYEV ABBOS ATOQUL O‘G‘LI 410
  • 3 Изоҳлар
  • 672 Овоз берилган
Мактаблар таълим дастурини такомиллаштириш ҳақида
Ҳозирда мактабларимизда ўқитилаётган фанларни кундалик ҳаётда қанчалик керак бўлиши нуқтаи назаридан қайта кўриб чиқиш зарур. Масалан, айрим фанлардан ўтиладиган узоқ минтақалардаги ўсимлик ёки ҳайвонот дунёси ҳақидаги маълумотлар ҳаёт давомида умуман керак бўлмаслиги мумкин. Уларнинг ўрнига шу бугун ҳаётий зарур бўлган билим ва кўникмаларни беришга йўналтирилган предметларни мактаб ўқув дастурига киритиш, хусусан, нутқ талаффузи, тўғри овқатланиш маданияти, аэропорт ва вокзалларда (шунингдек, амалий тарзда самолёт ва поездларда) ўзини тутиш кабиларни ўзида қамраб олган янги фанларни ўқитиш зарур деб ҳисоблайман.
Муаллиф: KAYUMOV BAXTIYOR XODJIYEVICH 1147
  • 38 Изоҳлар
  • 558 Овоз берилган
Велосипедлар учун махсус йўлак ташкил қилиш ҳақида
Юртимиз кундан-кунга чирой очиб, ҳар томонлама ривожланиб, хорижий сайёҳларнинг диққат-эътиборини ўзига тортмоқда. Барчамизга маълумки, туристлар юртимизнинг кўзга кўринган ва диққатга сазовор жойларини велосипедда айланиб томоша қилишга кўпроқ қизиқишади. Шунингдек, ўзимизнинг фуқаролар орасида ҳам велосипедда сайр қилишга қизиқадиган ишқибозларнинг сони тобора ортиб бормоқда. Бироқ, биздаги йўл инфратузилмаси велосипедларни эркин ҳайдашга имконият бермайди. Ҳозирда мамлакатимизда (Тошкент шаҳрининг айрим марказий кўчаларидан ташқари) машина ва велосипед йўллари умумий бўлиб, бир-биридан ажратилмаган. Бу ҳолат аксарият вазиятларда велосипед ва машиналар иштирокидаги кўнгилсиз ҳолатларининг юз беришига сабаб бўлиб қолмоқда.
Муаллиф: MAMBETNAZAROV ALISHER ARISLANBAYEVICH 341
  • 3 Изоҳлар
  • 537 Овоз берилган
Изменение времени проведения ремонтных работ на дорогах
Внесение изменений в Правила дорожного движения, Гражданский кодекс, Кодекс об административной ответственности и другие нормативно-правовые акты, с целью установления обязательного соблюдения дорожными службами времени суток для проведения дорожных работ не создающих большого шума. Предлагаю установить время для проведения краткосрочных дорожных работ, не создающих шума, (нанесение разметки на проезжую часть, очистка потолков тоннелей, ремонт покрытия автородорожных мостов и других объектов дорожной инфраструктуры) с 23.00 до 06.00 утра.
Муаллиф: NAJMITDINOV ALISHER JAMOLITDINOVICH 357
  • 4 Изоҳлар
  • 524 Овоз берилган
Гурлан-Амударё темир йўл линиясини қуриш ҳақида
Хоразм вилояти Шовот туманидан Гурлан ҳамда Қорақалпоғистоннинг Амударё туманлари орқали янги темир йўл қуриб, Мискин-Нукус темир йўли билан туташтиришни таклиф қиламан. Ҳозирги кунда Саратов-Тошкент ва Волгоград-Тошкент поездлари Урганчга кириши учун Нукус-Мискин-Урганч маршрути бўйлаб 200 километрга яқин ортиқча йўл юришади (Урганч яқинидан ўтиб, Мискин станциясидан яна орқага қайтади) ва йўловчилар 3 соатга яқин вақт йўқотишади. Яъни, таклиф қилинаётган йўл қурилиб, ишга туширилса, йўналиш вақти 2-3 соатга қисқаради, табиийки, бу катта иқтисодий самарадорликка эга. Бундан ташқари, Гурлан ва Амударё туманларида янги иш ўринлари яратилади. Ушбу туманларга юкларни етказиб бериш анча арзонлашади.
Муаллиф: DJUMATOV MAKSUD SAATBAYEVICH 1288
  • 14 Изоҳлар
  • 525 Овоз берилган
Янги турар-жойларга навбатларнинг шаффофлигини таъминлаш ҳақида
Юртимизда амалга оширилаётган ислоҳотлар фуқароларнинг давлатга бўлган ишончини янада ошишига хизмат қилмоқда. Ислоҳот ва ўзгаришлар қилиниши лозим бўлган яна бир масала, бу ҳам бўлса уй-жойга навбатларнинг шаффофлиги билан боғлиқ масаладир. Ҳозирги кунда республикамизнинг барча ҳудудларида ёш оилалар, аҳолининг турли қатламлари учун янги турар-жой комплекслари барпо этилмоқда. Ана ўша уй-жойларга навбатларнинг шаффофлиги таъминланмаган. Натижада навбатларнинг сунъий ўзгариши, ортиқча оворагарчиликлар, ҳокимият биноларига қатнаб асабийлашиш каби ҳолатлар барчанинг дилини ҳира қилмоқда.
Муаллиф: KO‘MAKOV ALBERT G‘AFUROVICH 453
  • 12 Изоҳлар
  • 501 Овоз берилган
Маиший шовқинга қарши курашни кучайтириш ҳақида
Кўп қаватли уйларда истиқомат қилаётган фуқароларнинг дам олишлари учун қулай шароитлар яратиш лозим. Афсуски, турли базмлар ташкил этиш, квартираларда узоқ муддатли қурилиш ишларини олиб бориш орқали қўни-қўшниларнинг бир-бирини безовта қилиш ҳолатлари кўплаб учрайди. Одатда, майли ўтиб кетар деган қабилда муносабатда бўлсанг, шовқин-сурон янада авж олиб кетади. Қонунларимизда ушбу ҳолатларни тартибга солишга доир нормалар белгиланган бўлишига қарамай, айрим фуқаролар уларга риоя қилмай, ҳам ўзгалар тинчини, ҳам қонунларда белгиланган таъқиқларни қўпол тарзда бузмоқда. Турли хил эслатмаларни кўчаларга ўрнатиш орқали ҳам бундай салбий ҳолатларнинг олдини олиб бўлмаяпти.
Муаллиф: ABDULLAYEV AKMAL ALIMOVICH 381
  • 8 Изоҳлар
  • 469 Овоз берилган
Жисмоний ва юридик шахсларнинг барча махсус қайд рақамларини СТИРга бирлаштириш ҳақида
Биламизки, ҳар бир ташкилотда жисмоний ва юридик шахслар алоҳида рақамлар билан қайд этилади. Масалан, солиқ бўйича СТИР, газ бўйича газ абонент рақами, электр энергияси бўйича электр абонент рақами, сув учун алоҳида абонент рақами, кадастр ҳужжатида ҳам такрорланмас алоҳида рақам, жамғариб бориладиган пенсия ҳисоб рақами ҳам паспортдан олинган 14 талик ҳисоб рақами ва ҳоказо. Ҳамма қайд қилувчи ташкилотлар деярли давлат ташкилотлари, бироқ улар билан ҳисоб-китоб алоҳида-алоҳида рақамлар орқали амалга оширилади. Бу эса барчага қийинчилик туғдирмоқда.
Муаллиф: KOMILOVA MARG‘UBA NISHONBOYEVNA 382
  • 10 Изоҳлар
  • 412 Овоз берилган
Тошкент метрополитени фойдаланувчиларининг хавфсизлигини таъминлаш ҳақида
Тошкент метрополитени бекатларида кундан-кунга янги қулайликлар яратилмоқда. Ундан ёш-у қари доимий равишда фойдаланмоқда. Барчамизга маълумки, болалар ўйинқароқлиги натижасида ёки ёши катталар эҳтиётсизлиги натижасида релсларга тушиб кетиши ҳолатлари кузатилади. Йўловчилар гавжум бўлган вақтларда метрополитенда уларнинг доимий назоратини таъминлаш мушкулдир. Уларнинг хавфсизлигини таъминлаш учун зарур чоралар кўриш керак.
Муаллиф: MIRZARAXMATOV MIRSULTON MIRODIL O‘G‘LI 849
  • 7 Изоҳлар
  • 394 Овоз берилган
Тиббиёт муассасаларида беморлар учун дори воситаларинининг рецептини махсус бланкаларга ёзиш ҳақида
Ҳозирги кунда юртимизда барча соҳаларда туб ўзгаришлар бўлмоқда, давлатимиз раҳбари томонидан соғлиқни сақлаш тизимига катта эътибор қаратилиб, ривожлантириш бўйича чоралар кўрилмоқда. Лекин, соҳада айрим камчиликлар сақланиб қолмоқда. Бу камчиликлардан бири беморларга дорилар рецептини шифокорлар томонидан жуда ҳам ноаниқ ва тушунарсиз тарзда ёзилишидир. Шифокорларнинг бу масалага совуққонлик билан қараши, масъулиятсизлиги оқибатида баъзи ҳолларда дори воситасини харид қилиш ва қўллашда кўнгилсиз ҳолатларга сабаб бўлмоқда. Соғлиқни сақлаш вазирлиги томонидан дори воситалари рецептини бериш тартиби ишлаб чиқилган, лекин бу тартибга етарлича амал қилинмаяпти. Берилган рецептларнинг тасдиқланмай, тушунарсиз тарзда ифодаланиши фуқаролар саломатлигига жавобгарлик ҳиссининг ...
Муаллиф: G‘ANIYEV JAKBARALI G‘OFURJON-O‘G‘LI 677
  • 8 Изоҳлар
  • 386 Овоз берилган
Мультиязычные занятия с детьми в дошкольных образовательных учреждениях
Для повышения уровня знания узбекского, русского, а в идеале и английского языков предлагаю внедрить в дошкольных образовательных учреждениях мультиязычные занятия с детьми. Часть занятий и общения в течение дня на узбекском языке, часть на русском.
Муаллиф: NAGAYEV RAVIL MELSOVICH 231
  • 0 Изоҳлар
  • 381 Овоз берилган
Қишлоқ хўжалиги транспортларининг ёритиш чироқлари созлигини таъминлаш ҳақида
Бугунги кунда вилоят ва туманларимизда қишлоқ хўжалигида қўлланилаётган техникалар, хусусан, трактор ва комбайнларнинг ҳаракати билан боғлиқ муаммолар талайгина. Яъни, айрим тиркамали тракторлар (тележка)нинг махсус чироқларининг умуман носозлиги тунги вақтларда хавф-хатарларни юзага келтирмоқда. Бу ҳолат, айниқса, ғалла ва пахта йиғим-терими мавсумида кўпаяди. Ҳеч қандай чироқ ёки стоп белгилари билан жиҳозланмаган тракторлар ва қишлоқ хўжалиги техникалари сабабли пиёдаларга ва бошқа транспорт воситаларига тунги вақтда хавф туғдиради.
Муаллиф: XUDAYBERDIYEV BOBIR AKTAMOVICH 464
  • 2 Изоҳлар
  • 346 Овоз берилган
×
Портал харитаси
Эшитиш учун матнни белгиланг ва ушбу тугмани босинг