Барчаси
Кадастр йиғмажилди йўқолган ёки яроқсиз ҳолга келганда нусха олишни соддалаштириш ҳақида
Ҳозирги вақтда электрон давлат хизматларидан фойдаланиш аҳолига жуда кўплаб қулайликлар яратмоқда. Эндиликда бу хизматларни кадастр соҳасига ҳам жорий этиш зарур деб ўйлайман. Чунки, кадастр хизматларидан фойдаланишда кўплаб оворагарчиликлар мавжуд бўлиб, уларни бартараф этиш учун замонавий чораларни қўллаш керак.
Муаллиф: IBRAGIMOV AZAMAT DAVLETBAYEVICH 264
  • 7 Изоҳлар
  • 79 Овоз берилган
Маҳаллаларда конструкторлик бюроларини ташкил қилиш ҳақида
Мамлакат иқтисодиётини кашфиётчилар, конструкторлар ва инженер-муҳандислар юксакларга кўтаришига дунё тажрибасидан гувоҳ бўлмоқдамиз! Япония, Жанубий Корея, Хитой Халқ Республикаси каби давлатларнинг саноат ва ишлаб чиқаришда қўлга киритган ютуқларини ўрганган ҳолда, юртимизда конструкторлик бюроларининг фаолиятини йўлга қўйиш лозим деб ҳисоблаймиз. Жойларда конструкторлик бюроларига талаб жуда юқори. Конструктор бирор-бир лойиҳасини синовдан ўтказиши учун унга зарур шароит яратишимиз лозим. Ҳар бир маҳалладан ерни тадбиркорга имтиёзли равишда ажратиб бериш керак. Тадбиркор ажратилган ерга замонавий талаблар асосида 3 қаватли бино қуриб, 1 ва 2-қаватларида ўзи истаган тадбиркорлик фаолиятини ташкил этиши, 3-қаватни эса конструкторлик бюроси учун ажратиши кўзда ...
Муаллиф: XOJIYEV DILSHOD XUDOYBERDIYEVICH 74
  • 0 Изоҳлар
  • 47 Овоз берилган
“Жисмоний ва юридик шахсларнинг мурожаатлари тўғрисида”ги Қонунга ўзгартиш ва қўшимча киритиш ҳақида
Ҳаммамизга маълумки, Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонунига асосан мурожаатларни кўриб чиқиш муддати келиб тушган кундан эътиборан ўн беш кун ичида, қўшимча ўрганиш ёки текшириш, қўшимча ҳужжатларни сўраб олиш талаб этилганда эса, бир ойгача бўлган муддатда кўриб чиқилиши белгиланган. Жуда кўп ҳолларда мурожаатларга жавоблар, қандай таснифда бўлишидан қатъий назар, “максимал” - 15 ёки 30 кунга чўзилиб кетяпти. Масалан, Навоий шаҳар ҳокимлигига арзонлаштирилган уй олиш учун рўйхатга олишларини сўраб йўллаган мурожаатимга роппа-роса 30 кунда жавоб хати олдим. Жавоб хати “арзонлаштирилган уйларга рўйхатга олиш тўхтатилди” деган қисқа мазмунда ...
Муаллиф: SULTANOV OYBEK ASATOVICH 362
  • 9 Изоҳлар
  • 110 Овоз берилган
Архив ҳужжатлари бўйича хизмат кўрсатиш тизимини тубдан такомиллаштириш ҳақида
Бугунги кунда архив ҳужжатлари билан ишлашда тизимли муаммолар мавжуд. Хусусан, йўқолган ҳужжатларни қайта тиклаш, нафақага чиқишда талаб қилинган ҳужжатларни йиғиш, таълим муассасаларида ўқиганлик бўйича ҳужжатларни тиклаш (диплом, дипломга илова ва шаҳодатномаларни дубликат қилиш) учун кўп вақт талаб этилади. Масалан, Хоразм вилоятидан диплом дубликатини олиш учун Тошкентга 2 марта келиб кетиш анчагина харажатларга сабаб бўлиши ҳаммага бирдек аён.
Муаллиф: XOJIYEV TUNIS NURKOSIMOVICH 132
  • 4 Изоҳлар
  • 124 Овоз берилган
Лейкоз (оқ қон) касаллигига чалинган болаларга ёрдам берувчи хайрия фондини яратиш ҳақида
Ҳозирги кунда Ўзбекистонда лейкоз (оқ қон) касаллигига чалинган беморлар сони ортиб бормоқда, афсуски, даволашда ишлатиладиган дори-дармонлар қиммат, деярли барча дорилар чет давлатлардан олиб келинади.
Муаллиф: XOLMURADOV ELMUROD DILMURODOVICH 248
  • 3 Изоҳлар
  • 203 Овоз берилган
Вилоятлараро йўллардаги бетон тўсиқларнинг баландлигини ошириш ҳақида
Бугун юртимиз йўллари кундан-кунга яхшиланиб, янгиланиб, уларнинг хавфсизлигига катта эътибор бериляпти. Бу жуда яхши. Лекин ҳали соҳада қилиниши керак бўлган ишлар ҳам талайгина. Мисол учун, кечки вақтда вилоятлараро йўлларда бетон тўсиқларнинг пастлиги сабабли қарама-қарши томондан келаётган транспорт воситасининг чироқлари кўзни қамаштириб, турли автоҳалокатларга сабаб бўлмоқда.
Муаллиф: BAHRONOV UMIDJON SHAROF O‘G‘LI 390
  • 11 Изоҳлар
  • 180 Овоз берилган
“Чилонзор” метро бекати устида ер усти йўл ўтказгичини қуриш ҳақида
Бугунги кунда пойтахтимиз йўлларида автоуловлар жуда ҳам серқатнов. Сутканинг ҳар қандай соатида қатновлар деярли узилмайди. Бундай йўлларда транспорт воситалари ва аввало пиёдалар хавфсизлигини таъминлаш бирмунча мураккаб. Шаҳримиздаги “Чилонзор” метро бекати устида жойлашган кўприкнинг икки ён тарафидан пиёдалар ўтиш йўлакларида автомобиль қатновнинг зичлиги ҳамда пиёдалар сонининг кўплиги турли йўл-транспорт ҳодисалари содир бўлишига олиб келаяпти. Ушбу туманда яшовчи аҳоли, хорижий мамлакатлардан ҳамда вилоятлардан келган меҳмонлар ва таълим муассасалари талабалари, ўқувчилари ва ёшлар ҳар куни ушбу йўлларни кесиб ўтишга мажбур. Ушбу чорраҳада пиёдалар иштирокидаги ЙТҲ сонининг йилдан-йилга ошиб бораётганлиги мазкур масалага масъулларнинг ўз ...
Муаллиф: ISMOILXANOV SUNNATULLA YO‘LDOSHXON O‘G‘LI 4174
  • 2 Изоҳлар
  • 1591 Овоз берилган
Бозорлар ва супермаркетлар олдидаги авторураргоҳларни бепул қилиб қўйиш ҳақида
Кўплаб давлатларда бозорлар ва супермаркетлар олдидаги автотураргоҳлар бепул. Бизда эса деярли барча бозор ва супермаркетлар олдидаги автотураргоҳлар пулли қилиб қўйилган. Айрим жойларда кўп қаватли турар-жой бинолари тагида ҳам пуллик автотураргоҳлар ташкил этилган. Бунга мисол, Навоий шаҳар Марказий деҳқон бозори олдидаги кўп қаватли турар жой биносининг тагида пулли автотураргоҳ пайдо бўлган. Автотураргоҳлар фаолиятини тубдан қайта кўриб чиқиш керак.
Муаллиф: FAYZIYEVA DILBAR ASATILLOYEVNA 773
  • 8 Изоҳлар
  • 513 Овоз берилган
Сиртқи таълим шаклида таҳсил олувчи талабаларнинг тўлов-контракт суммаларини камайтириш ҳақида
Олий таълим муассасаларида сиртқи таълим шаклида таҳсил олувчи талабалар доимий тарзда таълим муассасасида ўқишмайди, стипендия олишмайди. Аммо уларнинг контракт тўловлари кундузги таълим шаклида ўқийдиган талабалар билан бир хил.
Муаллиф: KUDRATOV ASLIDDIN FAXRIDDINOVICH 27776
  • 120 Изоҳлар
  • 4834 Овоз берилган
Ўсимликларни ҳимоя қилиш кунини белгилаш ҳақида
Ҳар йили қанчадан-қанча ўсимликлар, дов-дарахтлар ҳар хил касалликлардан ва инсонларнинг аралашувидан нобуд бўлиб кетяпти. Бу аҳвол давом этаверса, барча ўсимликлар йўқолиб кетиши эҳтимоли бор. Табиатга етказилаётган зарарни бугун барчамиз турли қум бўронлари, табиий офатлар содир бўлаётганлигида ҳам кўришимиз мумкин. Менинг ўйлашимча ўсимликларни асраш ҳар биримизнинг вазифамиздир.
Муаллиф: RAXIMOV MAXKAMJON INOYATULLOYEVICH 125
  • 0 Изоҳлар
  • 108 Овоз берилган
Тошкент шаҳри автомобиль йўлларида хавфсизликни таъминлаш ҳақида
Кундан кунга Тошкент шаҳрида транспорт воситалари, автомобиллар кўпайиб, бунда ҳар бир йўл ҳаракати қатнашчиларидан диққат-эътибор талаб этилади. Ҳозирги кунда барча чоррахаларда турли реклама устунлари кўпайиб кетган. Бу реклама устунларининг ўрнатилиши йўл ҳаракати хавфсизлигига салбий таъсир кўрсатмоқда. Ҳайдовчилар ва пиёда йўловчилар реклама эълонларига эмас, балки светофор ва йўл белгиларига эътибор бериши зарур деб ҳисоблаймиз. Мисол учун, Тошкент шаҳрининг айрим чоррахаларида 10-12 та реклама устунлари ўрнатилган ва бу чоррахаларда йўл белгиларини ва светофорни қидириб топиш қийин бўлиб, авариявий ҳолатларга ҳам сабаб бўлмоқда.
Муаллиф: RIXSILLAYEV FAYZULLO ZIKIROVICH 296
  • 4 Изоҳлар
  • 180 Овоз берилган
Жамиятда фоҳишабозликка қарши қатъий чоралар кўриш ҳақида
Бугунги кунда барча соҳаларда янги қонун ва қарорлар қабул қилинмоқда ва бу ўзининг самарасини кўрсатмоқда. Менинг фикримча, жамиятда фоҳишаликни ва шунга тенглаштирилувчи бузуқлик ҳолатларини камайтириш учун фақатгина фоҳишаларга ёки ушбу шароитни яратиб бераётган шахсларга жазо берилиши етарли эмас, балки шунда бевосита иштирок этган эркак ёки эркаклар учун ҳам маъмурий, жиноий жазо чоралари қўлланилсин, тегишли чоралар кўрилсин.
Муаллиф: DADAMATOV MEXRIDDIN TABITDINOVICH 1746
  • 27 Изоҳлар
  • 475 Овоз берилган
Об обязательной установке локально-вентиляционной системы в государственных и частных учреждениях
Лето в нашей стране очень жаркое. В летнее время у нас на работе всегда работает кондиционер. Кондиционер потребляет очень много электроэнергии и поэтому общее напряжение тока в сети мгновенно падает. От перепада напряжения тока в электросети портятся бытовые приборы и компьютерная техника, а также быстро расходуется лимит на электроэнергию. От этого больше вреда чем пользы.
Муаллиф: XUDAYBERGENOV ALISHER ORINBAYEVICH 129
  • 0 Изоҳлар
  • 123 Овоз берилган
Йўл бўйида жойлашган мактаблар ва бошқа турдаги таълим муассасалари олдига тезликни чекловчи йўл белгиларини мажбурий ўрнатиш ҳақида
Шаҳар жойларда мактаблар олдида светофор, пиёдалар йўлаклари мавжуд, лекин айрим йўл бўйида жойлашган мактаб, боғчалар олдида бунақа шароитлар йўқ. Шундан келиб чиқиб, олдида ёки яқин масофада светофор бўлмаган мактаблар ва боғчалар олдига автомашиналарнинг тезлигини камайтирувчи 50 ва 30 йўл белгиларини ўрнатишни таклиф этаман. Сабаби болалар бир-бирини қувлаши, йўлдан югуриб ўтиши ҳолатларини кўп кузатганман. 70 ёки 100 тезликда келаётган ҳайдовчининг бирданига тўхташ имкони йўқ, бир амаллаб тўхтаганда ҳам орқасида келаётган бошқа ҳайдовчи уриб юборган ҳолатлари кўп учрамоқда.
Муаллиф: XALBAYEV SANJARBEK ALLABERGANOVICH 227
  • 6 Изоҳлар
  • 278 Овоз берилган
Хорижий тилларни ўргатувчи махсус телеканални ташкил этиш ҳақида
Ҳозирги кунга келиб давлатимизда хорижий тилларни ўқитиш давлат сиёсати даражасига кўтарилди. Менинг таклифим, хорижий тилларни ўргатишга ихтисослаштирилган махсус телеканални ишга тушириш керак. Чунки, хорижий тиллар, биринчи навбатда инглиз тилини ўрганишга бўлган қизиқиш жуда юқори. Канал очиладиган тақдирда, машҳур хорижлик профессор-ўқитувчиларнинг маърузалари, инглиз тили ва бошқа фанлардан видеодарслар, кинофильмлар (subtitles), мусиқалар (lyric), ҳар хил турдаги кўнгилочар кўрсатувлар, ўзбек ва жаҳон адабиёти классикаларининг инглизча талқини, халқаро таълим дастурлари, инновациялар ва илм-фан ютуқлари ҳақида маълумотлар телеканал дастурларидан ўрин олади. Аввалига мазкур телеканални онлайн канал шаклида очиш ҳам мумкин, кейинчалик рақамли телевидиние тарзида ...
Муаллиф: YARASHOV DILMUROD O‘KTAM O‘G‘LI 357
  • 4 Изоҳлар
  • 311 Овоз берилган
Кўп қаватли уйларнинг совуқ сув таъминоти тармоғига тозаловчи фильтрлар қўйиш ҳақида
Шаҳарларда сув таъминотини тезкорлик билан яхшилаш зарур. Жумладан, Тошкент шаҳридаги ичимлик сувининг катта қисми қайта ишланган сув эканлигини ҳисобга олган ҳолда ҳар бир кўп қаватли уйларнинг совуқ сув таъминоти қисмига тозаловчи фильтрлар қўйиш керак. Тўғри, шифокорлар ва бошқалар бизга ёшлигимиздан сувни қайнатиб ичишни тавсия қилишади, шунга қарамай, баъзи бир микроэлементлар қайнатилган ҳолатда ҳам йўқолмайди. Оддий мисол, чойнакда сув қайнатинг, уни стаканга қуйинг ва кутинг, бир неча дақиқаларда стакан устида оқ парда ҳосил бўлади, яна бироз кутсангиз, оқ чўкиндиларни кўрасиз, агар сувни шу ҳолича ташлаб, маълум бир вақтдан кейин қарасангиз, ...
Муаллиф: RAXIMJONOV QOBILJON TO‘LQINJON O‘G‘LI 177
  • 3 Изоҳлар
  • 204 Овоз берилган
Жиноят кодексида қўлланиладиган атама, тушунчаларга аниқ таъриф бериш ёки чиқариб ташлаш ҳақида
Ўзбекистон Республикаси Жиноят кодексининг 8-бўлимида “кўп миқдорда зарар” сўзининг ҳуқуқий маъноси (кўп миқдордаги зарар - энг кам ойлик иш ҳақининг 300 бараваридан 500 бараваригача бўлган миқдордаги зарар) белгиланган. Лекин, “жиддий зиён” сўзининг ҳуқуқий маъноси ҳамда унинг миқдори белгиланмаган. Жиноят кодексининг 144, 192-11, 205, 206, 207, 208, 229, 278-1, 278-4, 301-моддаларига кўра, фуқароларнинг ҳуқуқларига ёки қонун билан қўриқланадиган манфаатларига ёҳуд давлат ёки жамоат манфаатларига кўп миқдорда зарар ёҳуд жиддий зиён етказилишига сабаб бўлса, жиноят келиб чиқади. Шунингдек, Ўзбекистон Республикаси Олий суди пленумининг 1998 йил 17 апрелдаги “Иқтисодиёт соҳасидаги жиноий ишлар ...
Муаллиф: ISLOMOV FARRUX NORIDDINOVICH 268
  • 3 Изоҳлар
  • 163 Овоз берилган
Дунёдаги энг узун, чиройли ва “Гиннесс рекордлари китоби”га кирадиган фавворани барпо этиш ҳақида
Мамлакатимизда туризмни ривожлантириш, унинг жозибадорлигини ошириш, сайёҳларни жалб этиш учун нафақат маданий меросимиз, миллий кийимларимиз, таомларимиздан фойдаланишимиз, шунингдек туристлар учун турли шоулар ва қизиқарли лойиҳалар ташкил этишимиз лозим.
Муаллиф: PARPIYEV BAXTIYORJON ABDUXALILOVICH 362
  • 14 Изоҳлар
  • 130 Овоз берилган
Давлат солиқ қўмитаси ходимларининг касб байрами кунини белгилаш ҳақида
Давлат солиқ қўмитаси тизимида бир неча минг ходимлар фаолият олиб бормоқда ва уларнинг ҳалол меҳнатлари ҳозирда амалга оширилаётган иқтисодий ислоҳотлар жараёнида жуда муҳимдир. Шу сабабдан мазкур касб эгаларининг байрам кунини белгилаш ва нишонлаш мақсадга мувофиқ. Мазкур касб байрамининг белгиланиши соҳа вакилларининг ўз касбига садоқатини ошириб, меҳнат фаолиятларини янада рағбатлантиради.
Муаллиф: SAFAROV DILSHOD ABDUSATTOR O‘G‘LI 302
  • 3 Изоҳлар
  • 86 Овоз берилган
Ўзбекистон миллий валютаси - сўмнинг график кўринишини жорий этиш ҳақида
Мамлакатимизда сўнгги йилларда барча соҳаларда кенг кўламли ислоҳотлар олиб борилмоқда. Ҳозирги вақтда миллий валютамиз билан Интернет сайтларда ва турли онлайн дўконларда электрон тўловлар амалга оширилмоқда. Сўм транзакцияларда UZS шаклида кўрсатилади. Шунингдек супермаркетларда ва бошқа савдо нуқталарида ҳам сўм тўлиқ ёзилади. Шу сабабли бошқа мамлакатлар қатори бизда ҳам сўмнинг график кўринишини жорий этиш керак. Мисол учун, Қозоғистонда тенге ₸ кўринишида, Қирғизистонда сом ⊆ кўринишида, Европа Иттифоқида евро € кўринишида ва ҳ.к. Сўмнинг график белгиси жорий қилинса, матнларда ҳам белгилар қисқариб сўмни ёзиш қулайлашади. Пештахталарда нархлар шрифти ҳажми катталашади.
Муаллиф: XOLBOYEV ILXOM SHAVKATOVICH 1394
  • 3 Изоҳлар
  • 257 Овоз берилган
×
Портал харитаси
Эшитиш учун матнни белгиланг ва ушбу тугмани босинг