Овозлар етарли эмас
Тошкет давлат Аграр унверситетининг Фарғона филиалини ташкил этиш ҳақида
Фарғона вилояти аҳолиси азал-азалдан дехқончилик билан кун кўриб келган. Вилоятда қишлоқ хўжалиги маҳсулотларини етиштириш, қайта тайёрлаш ва экспортга йўналтириш бўйича жуда катта имкониятлар мавжуд. Аммо ҳозирги кунда вилоятимизда қишлоқ хўжалиги йўналиши бўйича олий маълумотли кадрлар етишмаётганлиги сабабли Тошкент давлат аграр университетининг Фарғона филиалини очишни зарур деб биламиз. Мазкур университетни тамомлаган олий маълумотли қишлоқ хўжалиги ходимлари (агроном, ўрмон хўжалиги, қишлоқ хўжалиги маҳсулотларини қайта ишлаш ва ҳоказо йўналишлар) вилоят равнақига катта ҳисса қўшади. Ёшларнинг иш билан таъминланишига ҳам хизмат қилади.
Муаллиф: AXMEDOV ELYOR MIRKOBILOVICH 2232
  • 6 Изоҳлар
Овозлар етарли эмас
Қўйлиқ бозорига олиб борадиган Фарғона йўли кўчасини таъмирлаш ҳақида
“Миробод деҳқон бозори” акциядорлик жамияти Фарғона йўли кўчасида жойлашган “Фарғона” шахобчасидан (халқ орасида “Рисовый бозор”) Қўйлиқ бозорига олиб борадиган Фарғона йўли кўчасини янгитдан асфальт қилиш керак. Чунки бу йўл шаҳар ичидан Қўйлиқ бозорига, уёғи Тошкент вилоятига олиб борадиган ягона йўл бўлиб, охирги пайт умуман юриб бўлмайдиган даражага келиб қолди. Йўлни уйиб қўйишганига ҳам бир йилдан ошган бўлсада, асфальт ётқизишдан ҳалигача дарак йўқ. Қолаверса, Қўйлиқ бозоридаги кўприкдан ўтиб Тошкент вилоятига киришгача бўлган йўлни кенгайтириш зарур. Бу ерда ҳар куни катта тирбандлик (пробка) юзага келиб, фуқароларга кўплаб ноқулайликларни келтириб чиқармоқда
Муаллиф: ZAKIROV ULUGBEK RAVSHANBEKOVICH 2078
  • 1 Изоҳлар
Овозлар етарли эмас
Жаҳон стандартларига жавоб берувчи болалар онкогемотология марказини барпо этиш ҳақида
Бугунги кунда болалар ўртасида турли касалликлар, хусусан, оққон касаллиги ҳам тобора ортиб бормоқда. Бу эса болаларимизни катта хавфдан асраш учун кўрилаётган чора-тадбирларни жадаллаштириш зарурлигини англатади. Мамлакатимизда Болалар онкогемотология марказининг қурилиши – Ўзбекистоннинг ўз фарзандлари тақдирига бефарқ эмаслигини кўрсатибгина қолмай, болалар касалликларини олдини олиш борасидаги амалий ишларни янада жадаллаштиришга муносиб ҳисса қўшади.
Муаллиф: UBAYDULLAYEV ELMUROD DILMUROD O‘G‘LI 2441
  • 1 Изоҳлар
Овозлар етарли эмас
Бозорларда ичимлик суви ичишга мўлжалланган бепул махсус жойларни барпо этиш ҳақида
Бозорларда ичимлик суви ичиш учун бепул махсус жойларни барпо этишни сўраймиз. Бу албатта, харидорлар ва сотувчилар учун қулайлик яратади. Кимнидир дўкондан сув сотиб олишга пули бўлмаслиги ёки кимгадур қадоқланган сув ёқмаслиги мумкин. Ҳар ким учун танлаш хуқуқини яратишимиз керак. Сувсиз ҳаёт йўқлигини, айниқса, ёз мавсумидаги иссиқ кунларда кўпроқ сезилади. Бундай жойларни сувни исроф қилмайдиган технологиялардан фойдаланган ҳолда ташкил этиш керак ва назоратини бозор маъмурияти амалга ошириши лозим бўлади.
Муаллиф: ABDUMO‘MINOV TEMUR SHERALI O‘G‘LI 2229
  • 3 Изоҳлар
Овозлар етарли эмас
Передать функцию сверки агрегатов транспортного средства под юрисдикцию нотариата
Как известно, действующее законодательство при переоформлении транспортных средств предусматривает поверку их нумерованных агрегатов. При перерегистрации в связи с изменением владельца, при снятии с учета сведения о транспортном средстве РЭО (МРЭО) ГСБДД сверяются с базой данных об угнанных или похищенных транспортных средствах, имеющихся в информационных центрах МВД Республики Узбекистан, МВД Республики Каракалпакстан, ГУВД г. Ташкента и УВД областей. Принимая во внимание, что переоформление транспортного средства является очень частой сделкой, а процедура сверки агрегатов не представляет сложности, предлагается упростить данную процедуру передав её в введение государственных нотариальных контор. В настоящее время ...
Муаллиф: YULDASHEV ABDURASUL TAXIROVICH 1949
  • 2 Изоҳлар
Овозлар етарли эмас
Маҳаллаларда радиоузеллар ташкил қилиш ҳақида
Ҳозирги шиддат билан ривожланаётган замонда телевидение ёки интернет орқали биздан узоқда бўлган давлатларда қандай воқеа ва ҳодисалар юз бераётгани ҳақида тезкор хабардор бўлишнинг имкони бор, лекин ўзимиз яшаб турган маҳаллада қандай янгиликлар бўлаётганини ўз вақтида билишнинг имкони йўқ. Авваллари, туман марказидаги радиоузелдан кунда бир бор янгиликлар бериб борилар эди. Маҳаллий ҳокимият органларининг мурожаати бўлса, ҳар бир хонадонга ўрнатилган радио орқали дарров эшитишнинг имконияти бор эди. Ҳозирги вақтда маҳаллаларда тўй-хашамлар ва турли маросимларни тартибга солиш учун фуқаролар билан маслаҳатлашишда маҳалла раисларининг аҳоли билан очиқ мулоқоти учун етарли шароит йўқ. Бунинг ...
Муаллиф: MIRZAXMEDOV BAXROMJON MUXTAROVICH 2458
  • 5 Изоҳлар
Овозлар етарли эмас
Пиёдалар ўтиш жойларига кузатув камераларини ўрнатиш ҳақида
Шаҳарларимиз кўчаларида кузатув камералари ишга тушганига мана икки ярим йилдан ортиқ вақт ўтди. Бугунга келиб, кузатув камералари аниқлаётган қоидабузарликларнинг сони еттитага етган, лекин бу камераларнинг 90 фоиздан кўпроғи сфетафорларнинг атрофларига қўйилган. Ҳозирда камера бўлмаган жойларда, айниқса пиёдалар ўтиш жойлари (йўл қатнов қисмининг пиёдалар кесиб ўтиши учун мўлжалланган, 5.16.1, 5.16.2 йўл белгилари ва 1.14.1 — 1.14.3 йўл чизиқлари билан ажратилган бўлаги)да қоидаларга риоя қилмайдиган ҳайдовчилар тобора кўпайиб кетмоқда.
Муаллиф: MATYAKUBOV XURMAT BOLTABOYEVICH 2526
  • 8 Изоҳлар
Овозлар етарли эмас
Мультиязычные занятия с детьми в дошкольных образовательных учреждениях
Для повышения уровня знания узбекского, русского, а в идеале и английского языков предлагаю внедрить в дошкольных образовательных учреждениях мультиязычные занятия с детьми. Часть занятий и общения в течение дня на узбекском языке, часть на русском.
Муаллиф: NAGAYEV RAVIL MELSOVICH 2226
  • 0 Изоҳлар
Овозлар етарли эмас
Маиший шовқинга қарши курашни кучайтириш ҳақида
Кўп қаватли уйларда истиқомат қилаётган фуқароларнинг дам олишлари учун қулай шароитлар яратиш лозим. Афсуски, турли базмлар ташкил этиш, квартираларда узоқ муддатли қурилиш ишларини олиб бориш орқали қўни-қўшниларнинг бир-бирини безовта қилиш ҳолатлари кўплаб учрайди. Одатда, майли ўтиб кетар деган қабилда муносабатда бўлсанг, шовқин-сурон янада авж олиб кетади. Қонунларимизда ушбу ҳолатларни тартибга солишга доир нормалар белгиланган бўлишига қарамай, айрим фуқаролар уларга риоя қилмай, ҳам ўзгалар тинчини, ҳам қонунларда белгиланган таъқиқларни қўпол тарзда бузмоқда. Турли хил эслатмаларни кўчаларга ўрнатиш орқали ҳам бундай салбий ҳолатларнинг олдини олиб бўлмаяпти.
Муаллиф: ABDULLAYEV AKMAL ALIMOVICH 2650
  • 8 Изоҳлар
Овозлар етарли эмас
Олий таълим муассасалари ўртасидаги фан олимпиадаларини такомиллаштириш ҳақида
Олий таълим муассасалари ўртасидаги фан олимпиадаларини такомиллаштириш керак. Менинг таклифим шуки, Олий ва ўрта махсус таълим вазирлиги олимпиада куни ҳамма иштирокчиларни тўплаб, олимпиада материалларини онлайн танлаб олиш имкониятини бериши керак. Жавобларни ҳам онлайн бериш амалиётини жорий этиш керак. Шунда иштирокчилар ўзларини ўзлари баҳолаш имкониятига эга бўлишади. Ҳозирги кунда олимпиада саволлари мезбон университетнинг профессор-ўқитувчилари томонидан тайёрланади ва бу ўз навбатида танловнинг адолатли ўтишига таъсир қилади. Ҳакамлар ҳайъати ҳам Олий таълим ва ўрта махсус вазирлиги томонидан белгиланиши керак. Ҳар бир босқичда иштирокчилар ишларининг Олий таълим ва ўрта махсус вазирлиги сайтига жойлаштирилиши ...
Муаллиф: TO‘RAYEV ABBOS ATOQUL O‘G‘LI 2320
  • 3 Изоҳлар
Овозлар етарли эмас
Автотранспорт воситаларини техник кўрикдан ўтказиш тартибини такомиллаштириш ҳақида
Автотранспорт воситаларини техник кўрикдан ўтказиш тартибини такомиллаштириш вақти келди. Мамлакатимизда мазкур жараённи халқаро стандартлар ва қоидаларга мослаштириш лозим. Шу сабабли, ушбу тартибни жорий этиш ва мажбурий техник кўрикдан ўтказиш жараёнини хорижий тажрибалар асосида такомиллаштириш зарур деб ҳисоблаймиз.
Муаллиф: SAMIGJANOV SHERZOD ERGASHEVICH 3781
  • 16 Изоҳлар
Овозлар етарли эмас
Деҳқон бозорларига электрон таблоларни ўрнатиш хақида
Деҳқон бозорларининг ҳамма кўриши мумкин бўлган жойларига электрон таблоларни ўрнатиш лозим. Мазкур таблолар орқали бозор фаолиятига доир янгиликлар, бозор маъмуриятининг ишонч рақамлари, солиқ ва истеъмолчилар ҳуқуқларини ҳимоя қилишга доир қонунчиликдаги ўзгаришлар, янги маҳсулотлар ҳақида (аксарият маҳсулотларнинг нархлари ҳам) ва бошқа маълумотлар бериб борилади. Бу орқали истеъмолчиларнинг ҳуқуқлари бузилиши олди олиниб, бозордаги муносабатлар ҳуқуқий тартибга солинган бўлар эди.
Муаллиф: KOMILOVA MARG‘UBA NISHONBOYEVNA 2211
  • 2 Изоҳлар
Овозлар етарли эмас
Гурлан-Амударё темир йўл линиясини қуриш ҳақида
Хоразм вилояти Шовот туманидан Гурлан ҳамда Қорақалпоғистоннинг Амударё туманлари орқали янги темир йўл қуриб, Мискин-Нукус темир йўли билан туташтиришни таклиф қиламан. Ҳозирги кунда Саратов-Тошкент ва Волгоград-Тошкент поездлари Урганчга кириши учун Нукус-Мискин-Урганч маршрути бўйлаб 200 километрга яқин ортиқча йўл юришади (Урганч яқинидан ўтиб, Мискин станциясидан яна орқага қайтади) ва йўловчилар 3 соатга яқин вақт йўқотишади. Яъни, таклиф қилинаётган йўл қурилиб, ишга туширилса, йўналиш вақти 2-3 соатга қисқаради, табиийки, бу катта иқтисодий самарадорликка эга. Бундан ташқари, Гурлан ва Амударё туманларида янги иш ўринлари яратилади. Ушбу туманларга юкларни етказиб бериш анча арзонлашади.
Муаллиф: DJUMATOV MAKSUD SAATBAYEVICH 4183
  • 16 Изоҳлар
Овозлар етарли эмас
Жисмоний ва юридик шахсларнинг барча махсус қайд рақамларини СТИРга бирлаштириш ҳақида
Биламизки, ҳар бир ташкилотда жисмоний ва юридик шахслар алоҳида рақамлар билан қайд этилади. Масалан, солиқ бўйича СТИР, газ бўйича газ абонент рақами, электр энергияси бўйича электр абонент рақами, сув учун алоҳида абонент рақами, кадастр ҳужжатида ҳам такрорланмас алоҳида рақам, жамғариб бориладиган пенсия ҳисоб рақами ҳам паспортдан олинган 14 талик ҳисоб рақами ва ҳоказо. Ҳамма қайд қилувчи ташкилотлар деярли давлат ташкилотлари, бироқ улар билан ҳисоб-китоб алоҳида-алоҳида рақамлар орқали амалга оширилади. Бу эса барчага қийинчилик туғдирмоқда.
Муаллиф: KOMILOVA MARG‘UBA NISHONBOYEVNA 2355
  • 11 Изоҳлар
Овозлар етарли эмас
Текширувлар натижалари бўйича қўшимча ҳисобланган солиқлар ва бошқа мажбурий тўловларни тўлашни кечиктириш муддатини қайта кўриб чиқиш ҳақида
Мамлакатимизда тадбиркорларнинг текширувлар натижалари бўйича қўшимча ҳисобланган солиқлар ва бошқа мажбурий тўловларни тўлашни кечиктириш бўйича белгиланган муддатни қайта кўриб чиқиш керак. Ўзбекистон Республикаси Солиқ кодексининг 54-моддаси 6-қисмида “Юридик шахслар ва якка тартибдаги тадбиркорлар давлат солиқ хизмати органига ёзма билдириш, шу жумладан солиқ тўловчининг шахсий кабинети орқали билдириш юбориб, текширувлар натижалари бўйича қўшимча ҳисобланган солиқлар ва бошқа мажбурий тўловларни, шунингдек молиявий санкциялар суммаларини тўлашни уларнинг ундирилиши тўғрисида қарор қабул қилинган кундан эътиборан олти ой ичида тенг улушларда тўлашга ҳақли” эканлиги белгиланган. Бизнинг фикримизча, тадбиркор олти ой ичида катта миқдордаги тўловни ...
Муаллиф: ZAYNOBIDDINOV KODIRBEK TOXIROVICH 2285
  • 3 Изоҳлар
Овозлар етарли эмас
Самарқанд шаҳрида замонавий санъат саройини қуриш ҳақида
Самарқанд ўзига хос тарихи, анъаналари ва бошқа жиҳатлари билан дунёга донг таратган. Шу сабабли, йилдан-йилга вилоятга ташриф буюрувчиларнинг сони ортиб бормоқда. Самарқанд шаҳар марказида ўтказиладиган томоша ва концерт дастурлари асосан Регистон майдонида ўтказилади. Шаҳарда замонавий талабларга жавоб берадиган, минглаб томошабинларни ўз бағрига сиғдирадиган санъат саройи деярли мавжуд эмас.
Муаллиф: MARDIYEV NODIRJON NOROVICH 2269
  • 1 Изоҳлар
Овозлар етарли эмас
Бозорларда “арава хизмати”ни тартибга солиш ҳақида
Бугунги кунда бозорларимизда йўқ нарсанинг ўзи йўқ. Айниқса, ёз мавсумида бозорларимиз янада тўлиб, баракали бўлади. Мана шундай манзарани бузадиган бир ҳолат борки, уни албатта тартибга солиш лозим. Бу бозорлардаги арава хизматларидир. Араваларнинг тартибсиз ҳаракати натижасида турли ноқулайликлар ва кўнгилсиз ҳолатлар юзага келиши табиий. Бундай ҳолатларни кўрган туристларнинг ҳам бозорларимиз ҳақидаги фикрлари салбий тарафга ўзгариши мумкин. Бундан ташқари, арава хизмати учун тўловларнинг аниқ белгиланмаганлиги ҳам харидорларнинг норозилигига сабаб бўлмоқда. Қайсидир араванинг бир соатлик хизмати учун ўн минг берсангиз, бошқаси ҳудди шу хизмат учун йигирма, хаттоки, ўттиз минг сўмгача ҳақ сўрайди.
Муаллиф: XOJIYEV SHOXRUX QOBILJON O‘G‘LI 2393
  • 3 Изоҳлар
Овозлар етарли эмас
Велосипедлар учун махсус йўлак ташкил қилиш ҳақида
Юртимиз кундан-кунга чирой очиб, ҳар томонлама ривожланиб, хорижий сайёҳларнинг диққат-эътиборини ўзига тортмоқда. Барчамизга маълумки, туристлар юртимизнинг кўзга кўринган ва диққатга сазовор жойларини велосипедда айланиб томоша қилишга кўпроқ қизиқишади. Шунингдек, ўзимизнинг фуқаролар орасида ҳам велосипедда сайр қилишга қизиқадиган ишқибозларнинг сони тобора ортиб бормоқда. Бироқ, биздаги йўл инфратузилмаси велосипедларни эркин ҳайдашга имконият бермайди. Ҳозирда мамлакатимизда (Тошкент шаҳрининг айрим марказий кўчаларидан ташқари) машина ва велосипед йўллари умумий бўлиб, бир-биридан ажратилмаган. Бу ҳолат аксарият вазиятларда велосипед ва машиналар иштирокидаги кўнгилсиз ҳолатларининг юз беришига сабаб бўлиб қолмоқда.
Муаллиф: MAMBETNAZAROV ALISHER ARISLANBAYEVICH 2307
  • 4 Изоҳлар
Овозлар етарли эмас
“Пиёдалар ўтиш йўлагида светофор ўрнатиш ёки ер усти (ости) ўтиш йўлини қуриш ҳақида
Низомий номидаги Тошкент давлат педагогика университетининг Касб таълими факультети Тошкент шаҳри, Яккасарой туманининг Шота Руставели кўчаси 105-рақамли бинода жойлашган. Бинода 1200 нафар талаба ва ўқувчилар таҳсил олади. Талаба ва ўқувчи ёшлар ҳар куни йўлни кесиб ўтишга мажбур. Автомобиль қатновининг зичлиги ва транспорт воситалари ҳайдовчиларининг йўл ҳаракати қоидаларига бўйсунмаслиги сабабли йўлни кесиб ўтиш жуда хавфли. Бундан ташқари, пиёдалар ўтиш йўлагида автобус бекати ҳам жойлашган. Хавфсизликни таъминлаш мақсадида автобус бекатини кўчириш ва пиёдалар ўтиш йўлагида светофор ўрнатиш ёки ер усти (ости) ўтиш йўлагини қуриш мақсадга мувофиқ.
Муаллиф: XASANOVA SABOXAT SA’DULLAYEVNA 2667
  • 1 Изоҳлар
Овозлар етарли эмас
“Сўқоқ эркин экотуристик зонаси”ни ташкил қилиш ҳақида
Тошкент вилояти Паркент тумани ўз табиати, тоза ва мусаффо ҳавоси билан кўплаб ташриф буюрувчиларни ўзига жалб қилади. Айниқса, тумандаги Сўқоқ қишлоғи чинакамига экотуризм учун жуда мос жой ҳисобланади. Йилдан-йилга ташриф буюрувчиларнинг сони ортиб бу ерда ўзгаришлар қилишни талаб этмоқда. Сўқоқда экотуристик зонани ташкил этиш мамлакатимизнинг туризм соҳасидаги имиджини янада ошишига хизмат қилади.
Муаллиф: KOMILOVA MARG‘UBA NISHONBOYEVNA 2267
  • 2 Изоҳлар
Овозлар етарли эмас
×
Портал харитаси