Created with Highcharts 5.0.4

Всего собрано голосов "за"


Тошкент метрополитени станцияларининг бекатлар қисмини ойналар билан ёпиш ҳақида
  • Направление:Безопасность
  • Дата:2022-04-15 04:44:46
  • Автор:G‘ANIYEV XASAN QO‘ZIBOY O‘G‘LI
Описание предложения
Юртимизда жамоат транспортини ривожлантириш ва аҳоли учун янада қулай қилиши бўйича кўплаб ишлар амалга ошириб келинмоқда. Барча жамоат транспорти турлари орасида метрополитен алоҳида ўринни эгаллайди. Хусусан, сўнгги йилларда метрополитеннинг янги бекатларини қуриш, уларда замонавий рақамли технологиялардан фойдаланишни ташкил этиш ва метрополитенда аҳоли учун қўшимча қулайликлар яратиш бўйича салмоқли ишлар амалга оширилди. Аммо, шунга қарамасдан, бугунги кунда Тошкент метрополитенида мавжуд бўлган бир долзарб муаммога ечим таклиф қилмоқчиман. Сўнгги пайтларда, ижтимоий тармоқлар орқали фуқароларнинг метрополитенда поезд релслари тагига ўзини ташлаб суиқасд қилганлигига ёки маълум бир сабабларга кўра, релслар устига йиқилиб тушганлигига кўп маротаба гувоҳ бўлдик. Ҳақиқатдан ҳам метрополитен бекатларида йўловчиларни поезд релсларидан сақлаб турувчи бирор мослама ёки қурилма ўрнатилмаган. Масалан, нафақат суиқасд уюштирмоқчи бўлган инсонга нисбатан, балки йўловчилар гавжум бўлган пайтларда ҳам метрополитен бекатларида мавжуд хавфсизлик чоралари йўловчиларнинг соғлиғи ва ҳаётини етарли даражада ҳимоя қилишнинг имконини бермайди десак, адашмаган бўламиз. Кўплаб хорижий давлатларда, хусусан, Корея Республикаси, Япония ва бошқа шу каби бир қатор давлатларнинг метрополитен бекатларида махсус ойналар йўловчилар ва поездларни бир-биридан хавфсиз масофада ушлаб туриш имконини беради.
Целесообразность идеи / предложения
Шундан келиб чиққан ҳолда, Транспорт вазирлиги ва “Тошкент метрополитени” ДУК томонидан Тошкент метрополитени станцияларининг бекатларида йўловчилар ва поездларни бир-биридан хавфсиз масофада ушлаб турувчи махсус ойналар ўрнатилишини таклиф қиламиз.
1516
Комментарии (3)
SOHIBJONOV AKOBIRJON TOHIRJON O‘G‘LI
Очень хорошая идея со стороны технического безопасности общего пользования услуг метрополитена. В последняя время часто встречается случаи суицида именно в станциях метро среди пассажиров. Думаю такой способ ограждения может спасать от многих несчастных случаев.
19 Декабрь 2023, 19:12
RYABCHIKOV KIRILL ALEKSANDROVICH
Muallifning fikriga qo'shimcha qilgan holda shuni takidlamoqchimanki Toshkent metropolitenida aholining metrodan foydalanish odobida nuqsonlar ko'zga tashlanmoqda. Biz bilamizki metro Toshkent shahrining eng gavjum joylaridan biri. Vaqti kelsa bunday gavjumlikni yirik bozorlardan ham topib bo'lmaydi. Bu esa metro xavsizligiga mas'ul xodimlarning ishini ancha qiyinlashtiradi. Respublikamizdagi mavjud oliy ta'lim muassasalarining ko'pchiligi Toshkent shahrida joylashganligi hamda yildan yilga talabalar qamrovi sonining oshishi metrodan foydalanish talabini oshirmoqda. Bu o'z navbatida metroda tirbandlik va kutish vaqtining uzayishiga olib kelmoqda. Eng yonadigan joy 3-ta o'tish yo'li(peresadka) bo'lib turli ko'ngilsizliklarga sabab bo'lmoqda. Xavo yetishmasligi, odamlarning tobi qochib hushidan ketishi, metro eshiklarida qisilib qolish va hakozo. Metropoliten ma'uriyatidan bu muamollarni e'tirof etib ularga atroflicha yondashgan holda bartaraf etish choralarini ko'radi deb umid qilamiz.
13 Ноябрь 2022, 17:25
NO‘MONOV JAHONGIRBEK ZIKIRILLO O‘G‘LI
Yaxshi taklif. Bu narsani men "Kalmar oʻyini" degan koreys serialida koʻrgandim va bizdaham shunday qilinishi kerak degan xulosaga kelgandim. Bundan tashqari chet el metro vagonlarida oʻrindiqlar homiladorlar uchun, qariyalar uchun degan maxsus yozuvlar bilan alohida ajratib qoʻyilgan. Tasavvur qiling metroga tushgan erkak ayollar uchun degan oʻrindiqqa oʻtirish ehtimoli 1/10 ga teng, shaxsan men oʻtirmagan boʻlardim. Natijada joysiz qolgan qariyalar yoki homilador ayollar bemalol oʻtirib ketaveradi. Bu juda yaxshi yechim meningcha
12 Ноябрь 2022, 17:31

Добавить комментарий

Чтобы оставить комментарий вам нужно авторизоваться через id.egov.uz
×
Карта портала