Мамлакатимизда ҳозирги кунда киберхавфсизликни таъминлаш бўйича олиб борилаётган ишларнинг мантиқий давоми сифатида кибержиноятчиликка қарши курашиш мақсадида “Киберхавфсизлик тўғрисида”ги қонунни қабул қилиш вақти келди. Маълумки, бу борада Сингапур давлати бой тажрибага эга ҳисобланади. Кейинги ўринларда АҚШ, Малайзия, Уммон, Эстония, Маврикий, Австралия, Грузия, Франция, Канада, Россия каби давлатлар туради. Бу давлатларда киберҳимояни таъминлаш мақсадида ягона қонун қабул қилинган ва ушбу қонун асосида бошқа қонуности ҳужжатлари ишлаб чиқилган. Юқоридагилардан келиб чиқиб, ривожланган хорижий давлатларнинг тажрибасини тўлиқ ўрганган ҳолда, Ўзбекистон Республикасининг “Киберхавфсизлик тўғрисида”ги қонуни лойиҳасини ишлаб чиқиш керак. Бу борада, Европа Иттифоқи аъзоси бўлган давлатларнинг 48 моддадан иборат “Кибержиноятчилик тўғрисида”ги Конвенциянинг нормаларини ўрганиш ва унинг зарур моддаларига қўшилиш мақсадга мувофиқ.

Юқоридагиларни инобатга олган ҳолда, Ўзбекистон Республикасининг “Киберхавфсизлик тўғрисида”ги қонунини қабул қилишни таклиф қиламиз.