Фарзандлар эришган ютуқларнинг асосий сабаби, уларнинг тинимсиз меҳнати, устозлари ўгитлари ва билимларидан иборат бўлиб қолмай, балки ота-онанинг фарзанди орзулари йўлида чеккан заҳмати маҳсули ҳамдир. Инсон олдига тўғри мақсад қўя олишида ва шу мақсад йўлида иккиланмасдан ҳаракат қилишида, биринчи навбатда ота-она сабабчи бўлади. Чунки, ота-оначалик ҳеч ким фарзандининг иқтидорини тўғри баҳолай олмайди ва билмайди. Аслида, ўз фарзандининг камолини кўриш ҳар бир ота-она учун мукофотдир. Юртимизда камол топаётган фарзандларнинг ота-оналарига бошқаларга кўрсатаётган намунаси учун давлат ва жамият томонидан ҳам ўзига хос ҳурмат-эътибор қаратилиши айни муддаодир.

Шу сабабли турли соҳаларда муваффақиятли фаолият олиб бораётган, фидойи ва иқтидорли ёшларнинг ота-оналари тақдирланувчи махсус кўкрак нишони таъсис этишни таклиф қиламан. Ушбу кўкрак нишонининг таъсис этилиши ота-оналарнинг фарзандлар тарбиясидаги ажралмас ўрни ва ролини мустаҳкамлаб, уларни маънавий қўллаб-қувватлаш ва рағбатлантириш имконини яратади.