Бухоро шаҳрининг тарихий қисмига киришда монитор ўрнатилиб, унда ретро фотолар орқали бизнинг бебаҳо бойликларимиз бўлган тарихий обидаларнинг 50-100 йил олдинги кўринишлари ва бошқа маълумотлар намойиш қилиб борилса, мақсадга мувофиқ бўларди. Ўйлайманки, бу орқали хорижлик сайёҳларда ҳам, юртимиз аҳолисида ҳам тарихимизга бўлган қизиқиш ортади. Ҳар бир ёш бу орқали тарихий обидаларимизни қанчалик асраб-авайлашимиз кераклигини англайди. Фотоларни слайд-шоу шаклида, маҳоратли фотографларнинг суратларидан фойдаланган ҳолда шаҳарнинг бошқа қисмларида ҳам ўрнатиш мумкин. Кейинчалик бу каби мониторлар орқали тарихий ва маданий мерос ҳақида маълумот беришни бошқа тарихий масканларда ҳам қўллаш мумкин.

Шундан келиб чиқиб, Бухоро шаҳрининг тарихий қисмига кираверишда тарихий обидаларнинг эски ретро фотоларини кўрсатиб турувчи мониторлар ўрнатишни таклиф қиламан. Бу таклиф каттароқ маблағ талаб қилиши мумкин. Туризмни ривожлантириш давлат қўмитаси ва Бухоро вилояти ҳокимлиги мазкур масаланинг молиявий ва ташкилий томонларини кўриб чиқиб, амалга оширса яхши бўлар эди.