Бозорларда нархларнинг сунъий оширилмаслиги учун деҳқон бозорларини хизмат кўрсатувчи ташкилотга айлантириш ҳақида
Описание предложения
Бугунги кунда юртимиз деҳқон бозорларида мўл-кўлчилик, маҳсулотлар тўкин-сочинлигини кўрамиз. Лекин шуни айтиш жоизки, бозорларимиздаги кўплаб “уддабурон тадбиркорлар” (даллол, олибсотар) ҳалол тадбиркорликка амал қилишмайди. Бозорларда чоршанба ва якшанбадан ташқари кунларда деҳқонларни учратиш қийин. Олибсотарларнинг тартибга солинмаган фаолияти бозорга келган деҳқон ва фермерларга маҳсулотини сотишдан олдин бозордаги сунъий оширилган нархлардан хабардор бўлиб, кейин сотишига олиб келмоқда. Бу эса нархларнинг янада ошиб кетишига сабаб бўлмоқда. Кўп ҳолларда истеъмолчи маҳсулотнинг учинчи ёки тўртинчи харидори бўлмоқда. Олибсотарларнинг нархларни сунъий ошириб сотиши бозордаги нархларни ҳам ошириб юбормоқда. Улар фақат бозордаги жой ўрни учун патта тўлайдилар.
Целесообразность идеи / предложения
Таклифим: дехқон бозорларини “хизмат кўрсатувчи ташкилот” мақомига ўтказиш керак. Яъни бозорлар маҳсулот етиштирувчилардан сотиб олинган маҳсулотни истеъмолчига тўғридан-тўғри етказиши керак. Бунинг учун, деҳқон бозорларининг ишчилари сонини ошириш, мониторинг ва логистика бўлимларини ташкил қилиш лозим. Деҳқон бозори масъуллари деҳқонлар ҳамда фермерлар томонидан олиб келинган маҳсулотларни сотиш учун қулай шарт-шароитлар яратиши, бозор ҳудуди ва унга яқин жойларда омборхоналар, музлаткичлар ташкил қилиб, мева, сабзоватлар ва полиз экинларини тўғридан-тўғри аҳолига етказилишини таъминлаши керак. Натижада янги иш ўринлари пайдо бўлиб, деҳқон бозорларимизда нарх-навонинг “сунъий” ошиб кетиши олди олинади.
337
Комментарии (12)
MAXKAMOV KOMIL SIDDIKOVICH
To'rtinchidan, ayrim iste'molchilar, shu jumladan men ham, gohida mahsulotni yoki tovarni, u qimmat bo'lsa ham, talashib-tortishib sotib olishni yoqtiraman. Bu taklif amalga kiritilsa aniq narx bo'ladi qoladi. Beshinchidan, o'sha aytilayotgan "olib sotar" yoki "uddaburron tadbirkor"lar o'z pulini tavakkalchilikka asosan ish yuritmoqda. Sotib olgan tovarini mijozlarga hushmuomalalik qilib qimmatga sotib ko'p daromad olishi ham aksincha qo'pol bo'lib zararga krishi ham mumkin. Oltinchidan, bozordagi sotuvchilarning barchasi ham kilogramlab kartoshka-piyoz sotib boyib ketib, kaptivalar xaydab yurmaydi. Afsuski men hali bunaqasini uchratmadim. Ettinchidan, bu bozorda tirikchilik qilayotgan insonlarning noroziligiga sabab bo'lishi mumkin. Oxiri yaxshilikka olib kelmaydi. va xokazo P.S. Taklif bergan odam dehqon bozorini yaxshilab aylansin, mahsulot sotib olishi shartmas, tomosha qilsin, odamlarni ko'rsin. Damini oladi, fikri o'zgaradi
20 Октябрь 2018, 19:19
MAXKAMOV KOMIL SIDDIKOVICH
Ahmoqona taklif! Tor, kalta o'ylaydigan odam yo'zgan bo'lsa kerak. Buning natijasi yaxshilik bilan tugamaydi Birinchidan, bozorda narx talab va taklifdan kelib chiqqan holda shakllanadi. Biron tovar ko'payib ketib taklif ortsa narx o'z navbatida tushadi yoki aksincha. Bir paytlar dollar kursini ham sun'iy past ushlab turildi, oxiri nima bo'ldi..... Ikkinchidan, bozorda shundoq ham, aniq raqamni aytishim qiyin, ammo ancha-muncha aholi band va tirikchilik bn band. Ish o'rni yaratiladi deb bong urib sayqallash shartmas. Uchinchidan, agar bozorda ishchilar ishlasa u holda bozor bozorligini yo'qotadi - oddiy do'konga aylanadi qoladi. Ishchilar oylikka ishlaganliklari sababli mahsulotlar sifati tushib ketadi, savdo pasayadi va oxiri kasodga uchraydi. Oqibatda bankrot bo'lgan bozorni arzon garov "investorga tekinga sotib yuborishadi.
20 Октябрь 2018, 19:18
TURABOYEV ELYOR YARDAMJONOVICH
Иктисодиётни табиий ричаглари бузилади. Иктисодиётга давлат аралашуви канча куп булса, уни ривожланиши шунча кийин булади. Бу таклиф билан бозорлар янада ёмон ахволга тушиб колади. Бу муаммо нафаат Узбекистонда, балким бутун дунёда мавжуд, бу хозирги кунда касб даражасига етиб борган. Бу масалани ечиш учун иктисодиётни табиий ричагларидан ёки инновацион йуллардан фойдаланиш керак. Масалан, таклифни купайтириш ва унга стимул бериш йули билан, айтайлик бозорларда кушимча жойлар яратиш (иложи буса бозорда буш жойлар фойдаланмайдиган даражага етиб бориш керак), бозорда савдо килиш учун патта нархларини тушириш ва х.к. (буни устида профессионал мутахассисларимиз ишлаши максадга мувофик деб уйлайман), инновацион, масалан, веб приложениеларга ухшаб, бозорлар уртасида кайси бозорда канака нархлар булаётганин реал вактда ёритиб бориш.
20 Октябрь 2018, 18:12
QADIROV SHOXRUX MAMARASULOVICH
Бу лойиха самарасиз ва мантикка тугри келмайди
20 Октябрь 2018, 17:58
RAHMANOV RAHIM ABDUG‘ANIYEVICH
Монополия кўчайиб кетиши мумкин, бу бир томондан. Иккинчи томондан истеъмолчиларга кафолатланган ва бир хил нархда маҳсулотлар сотилиши мумкин. Қолаверса "олибсотарлар" камайиб, бозор маьмуриятининг ўзи деҳқондан олиб сотишига тўғри келиб қолиши мумкин. Бозорда эркин савдо муҳитини яратишни биринчи ўринга қўйиш керак. Бозор нархни белгилаб сотадиган бўлса, деҳқон касотга учрайди ва етиштирилган маҳсулотининг таннархига салбий таьсир кўрсатади. Буни ҳам ҳисобга олиш лозим! Таклиф пухта ишлаб чиқиш лозим.
17 Октябрь 2018, 15:13

Добавить комментарий

Чтобы оставить комментарий вам нужно авторизоваться через id.gov.uz
Created with Highcharts 5.0.4

Всего собрано голосов

Окончание голосования через: 59 дней

Поддержите это коллективное обращение

Поделиться коллективным обращением
×
Карта портала
Для прослушивания выделите текст и нажмите на эту кнопку