Created with Highcharts 5.0.4

Всего собрано голосов "за"

  • На рассмотрении
Поделиться коллективным обращением
Ўзбекистон Республикаси Президенти Шавкат Миромонович Мирзиёевни олий даражадаги мукофот “Ўзбекистон Қаҳрамони” унвони билан тақдирлаш ҳақида
Описание предложения
Ҳурматли сенаторлар ва депутатлар! Ўзбекистон Республикаси Президентининг расмий веб-сайтидаги “Мукофотлар” рукнига кирилганида, Юртбошимиз Шавкат Миромонович Мирзиёев давлат ва бошқарув органларидаги кўп йиллик самарали меҳнати, юртимиз равнақи, халқимиз фаровонлигини юксалтириш ишига улкан ҳисса қўшгани учун “Меҳнат шуҳрати” ва “Фидокорона хизматлари учун” орденлари билан тақдирланганлигини кўришимиз мумкин. Лекин бизнинг фикримизча, ушбу инсоннинг қилган барча ҳаракатларига давлатимиз томонидан ҳали етарлича баҳо берилмаган ва ҳозирча муносиб равишда тақдирланмаган. Бизнинг ҳаётимизга ёрқин нур олиб кирган, хонадонларимизда хурсандчиликни кўпайтирган, қўшни халқлар билан муносабатларни юқори поғоналарга кўтарган, қишлоқларимиз ва шаҳарларимизни гўзал қилиб бераётган Юртбошимизни Аллоҳнинг ўзи асрасин. Халқимиз ардоғидаги Президентимиз муносиб равишда тақдирланиши керак.
Целесообразность идеи / предложения
Ўзбекистон Республикасининг 1994 йил 5 майдаги “Ўзбекистон Қаҳрамони” унвонини белгилаш ва олий нишон – “Олтин Юлдуз" медалини таъсис этиш тўғрисида”ги Қонунига мувофиқ “Ўзбекистон Қаҳрамони” унвони олий даражадаги мукофот бўлиб, Ўзбекистон Республикасининг фуқароларига давлат ва халқ олдидаги қаҳрамонона жасорат кўрсатиш билан боғлиқ хизматлари учун берилади. Ўзбекистон Республикаси Президентига “Ўзбекистон Қаҳрамони” унвонини бериш Ўзбекистон Республикаси Олий Мажлиси томонидан амалга оширилади. Президентимиз Шавкат Миромонович Мирзиёев Президентликка сайланганларидан сўнг қисқа муддат ичида халқимиз ва давлатимиз олдида қаҳрамонона жасоратлар кўрсатди ва ушбу давлат мукофоти билан Президентимизни тақдирлаш - халқимизнинг олий бурчидир. Шу муносабат билан, Сизларга чуқур ҳурмат билдириб, одилона ва оқилона, ҳар доимгидек халқимиз учун мақбул бўладиган қарор қабул қилишларингизга тўлиқ ишонган ҳолда, Юртбошимиз, элимизнинг фахри - Президентимиз Шавкат Миромонович Мирзиёевга “Ўзбекистон Қаҳрамони” унвонини беришни таклиф этамиз.
42712
Комментарии (18219)
ARZIKULOV SHAXBOZ ESANBOY O‘G‘LI
“Агар коррупцияни йўқ қилмоқчи бўлсангиз дастлаб ўзингизнинг энг яқин уч нафар дўстингизни фош қилинг. Сиз нимага шундай қилаётганингизни аниқ биласиз, улар ҳам худди шундай — нимага фош қилинганини аниқ билишади” Вазирлик лавозимига келганида, дастлаб иш бошлаганида эса шундай ёзади: “Менда иккита йўл бор эди: биринчиси, юртни талаш, қариндош-уруғларимни атрофимга йиғиш, уларга мансаб бериш, уларни “Forbes” (дунёнинг энг бой одамлари рўйхати эълон қилинадиган журнал) рўйхатига киритиш, бунинг эвазига халқни ҳеч нарсасиз қолдириш. Иккинчи йўл, ўз халқимга хизмат қилиш ва мамлакатни жаҳондаги 10та энг ривожланган мамлакат сафига қўшиш. Мен иккинчи йўлни танладим”. Ли Куан Ю ўзи ўйлаганидек Сингапурни энг ривожланган давлатлар сафига қўшди. Сингапур давлатининг собиқ бош вазири Ли Куан Ю! Мен Ли Куан Юнинг “Учинчи дунёдан — биринчига” китоби барча мансабдорлар, вазирлар, ўқитувчилар, сиёсатчилар столида туришини хоҳлардим…
4 Декабрь 2021, 10:07
DEXKANOV DILMUROD ABDUKARIMOVICH
Muhtaram prezidentimiz bundanda ortiq mukofotga loyiq lekin ularga bu mukofot emas korrupsiyani yo'qotish muhumroq deb o'yliyman, undan ko'ra bez foiz kredit berishni,oyliklarni kotarishni o'ylanglar, barcha qarorlarni chet davlatlarda sinalgan deb olib kirmasdan bu oylikniyam chetdan o'rnak olish kerak, 1000$ dan oylik oladigan vaqt keldi, bizda faqat oylik kam lekin qarorlar hammasi chetdan kirib keldi faqat oylikmas
17 Август 2021, 07:58
TUXTAYEV NURALI TURDALLIYEVICH
Президентимиз бунданда ортиқ мукофатга лойиқ инсонлар мен ўзим билган янгиланаётган Ўзбекистоннинг жахон хамжамиятлари олдида нуфузини жуда кўкларга кўарганликлари ва ўртаомиё мамлакатларининг бошини қўшиб яхши қўшничиликни йўлга қўйганлари учун қолаверса жамиятимизда ногиронлар хақиқий мухтожларга қилаётган эътиборлари тахсинга лойиқ. мен ва оила азъоларим ха деймиз. У кишини икки дунё саодатига эриштирсинлар.
17 Ноябрь 2020, 20:14
XAMDAMOV TOXIRBEK JAMSHID O‘G‘LI
Бериш кере. Бу инсони қилган ишлари хали тариҳда қолади. Асосийси халқ рози.
8 Октябрь 2020, 16:54
SHARIPOV SHOKIR ISROILOVICH
Бу билан бирон нарса ўзгариб қоладими?
15 Май 2020, 00:50

Добавить комментарий

Чтобы оставить комментарий вам нужно авторизоваться через id.egov.uz
×
Карта портала